Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaMónegueMónegue

Lo Mónegue confirma que recrutarà pas Víctor Valdés

| Castroquini
O a declarat dijòus lo vicepresident Vadim Vasilyev: “aviam agut de contactes amb Víctor Valdés, mas coma sabètz es nafrat e nos rejonherà pas. Avèm parlat amb Leonardo Jardim —lo nòu entraïnare del club monegasc— e mantendrem nòstra fisança a Danijel Subasic qu’a fach una excelleta sason”.
 
 
Istòria d’una fatalitat
 
17 de genièr de 2013. Víctor Valdés fa publica sa decision de renovelar pas lo contracte amb lo Club de Fotbòl de Barcelona, qu’arribava a son tèrme en junh de 2014. Lo gardian declarèt que cercava un novèl fotbòl”
 
19 de mai de 2013. Valdés atenh los 500 matches oficials amb l’FCB.
 
26 de març de 2014. La nafra: rompedura del ligament crosat anterior del genolh drech. Lo gardian se nafrèt tot sol, en una accion fortuita, en tombar pel sol puèi d’aver arrestat en dos tempses un còp franc d’un jogaire del Celta de Vigo.
 
Víctor Valdés èra estat somés dimècres 2 de julhet a un examen medical a Mónegue. Valdés e lo club avián signat un preacòrdi que deviá èsser confirmat lo 1r de julhet. Valdés a passat aquel examen, e aquò’s pas estada una granda suspresa. Los mètges de l’FCB avián ja dich que Valdés poiriá pas jogar abans octòbre de 2014.
 
 
Lo palmarés
 
Coma jogaire Valdés a ganhat:
 
Amb lo Club de Fotbòl de Barcelona:
 
— 2 Campionats del Mond de Clubs de Fotbòl (2009, 2011)
— 2 Supercopas d’Euròpa (2009, 2011)
— 3 Ligas dels Campions (2005-2006, 2008-2009, 2010-2011)
— 3 Copas de Catalonha (2003-2004, 2004-2005, 2006-2007, 2012-2013)
— 6 Ligas d’Espanha ( 2004-2005, 2005-2006, 2008-2009, 2009-2010, 2010-2011, 2012-2013)
— 2 Copas del rei (2008-2009, 2011-2012)
 
Coma jogaire de la seleccion espanhòla:
 
— 1 Copa del Mond de fotbòl (2010)
— 1 Eurocopa (2012)
 
Trofèus individuals:
 
— 5 trofèus Zamora —al melhor gardian d’Espanha—: (2004-2005, 2008-2009, 2009-2010, 2010-2011, 2011-2012)
 
 
Acòrdi o preacòrdi?
 
Lo representant de Valdés, pr’aquò, Víctor Carvajal, assegura que lo gardian aviá signat un contracte de 4 ans que compromet lo Mónegue, e que lo vòl far respectar.
 
 
 
 
Manèl Zabala 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article