E aqueles senspapièrs seràn regularizats. Fabienne Terral-Calmès, la regenta ponhalada a mòrt divendres 4 de julhet, que sa presumida assassina es una maire celibatària de 47 ans amb de trebolums mentals sevèrs, defendiá una familha gambiana dont qualques unes dels mainatges anavan a son escòla.

Aquela familha, la menaçavan d’expulsion perque los servicis de l’estat francés jutjavan que correspondiá pas als critèris necessaris a la regularizacion, valent a dire cinc ans de preséncia sul territòri francés e de mainatges escolarizats despuèi almens tres ans. Totun Fabienne Terral-Calmès luchava per qu’aquela familha obtenguèsse los papièrs essencials a son mantenement sul territòri.

Après la mòrt de la professora de las escòlas, sa maire ramentèt a la prefècta de Tarn l’engatjament de sa filha en favor de sos escolans e de sa familha originària de Gàmbia. La prefècta li respondèt que l’estat tornariá chifrar a lor situacion.

Dimars 8 de julhet, lo Ministèri de l’Interior de l’estat francés anoncièt que la familha gambiana recebriá los papièrs e non seriá pas expulsada.




GJB