Bandièra01 1180x150: Comuna de Tolosa

Actualitats

De mèdias e d’alternativas per seguir la guèrra en Palestina

Lo jornal catalan Vilaweb prepausa una seguida de sits web que pòdon ajudar a aver un vejaire mai complet dels faches

| Wall in Palestine
La responsa de l’estat israelian a la mòrt de tres colons impliquèt d’atacs de l’armada israeliana dins Gaza, que l’Hamas ensaja de i respondre amb de projectils. A l’ora d’ara, serián mai de 100 las personas mòrtas del costat palestinian, dont la majoritat serián de la populacion civila. Del costat israelian, los projectils lançats per l’Hamas aurián pas tuat degun. Lo president estatsunidenc, Barack Obama, s’ofrís coma mediator d’un conflicte que, per ara, sembla que se vòl pas acabar.
 
Lo Mond entièr seguís çò qu’es a se passar, mas sovent los mèdias tradicionals ofrisson una vision univòca dels faches, de las causas dels atacs e dels eveniments restacats. Es pr’amor d’aquò que publicam una lista de mèdias e de sits web que los prepausa lo jornal catalan Vilaweb, per fin que nos ajuden a aver una vision mai completa dels eveniments. Vilaweb a priorizat los sits en anglés suls sits en arabi e ebrieu.
 
Se los legeires de Jornalet coneissètz mai de sits amb de bonas informacions sus çò que se passa en Palestina e Israèl, los podètz inclure dins los comentaris, e ensajarem de los prepausar tanben a la redaccion de Vilaweb.
 
 
Alternative InformationCenter es una organizacion ont trabalhan amassa de jornalistas israelians e palestinians e qu’ensaja d’ofrir una vision dels faches que prenga en compte lo vejaire de l’autre.
 
 
Mèdias palestinians
 
TheElectronicIntifada es lo mèdia en linha mai veteran de la zòna, clarament militant e amb fòrça informacions de primièra man.
 
InternationalMiddleEast Media Center (IMEMC) es un centre internacional creat per de jornalistas palestinians amb lo sosten d’una fondacion dels Estats Units, que sa tòca es d’ofrir una vision del conflicte en anglés, segon un vejaire jornalistic.
 
Ma’anNews es l’agéncia informativa palestiniana en anglés. A fòrça credibilitat internacionala per la consisténcia quand se tracta de seguir lo conflicte e de l’explicar.
 
PalestineChroniclees la sola publicacion jornalistica, professionala e palestiniana en anglés.
 
Gaza Siege ofrís de reportatges dempuèi l’interior de Gaza. De còps es malaisit d’i accedir e es pas totjorn mes a jorn.
 
 
Mèdias israelians
 
Haaretz es lo jornal de l’esquèrra israeliana amb son edicion en anglés. Representa la votz mai critica amb lo govèrn israelian, mas s’i opausa pas frontalament.
 
Israel Hayom es un jornal gratuit restacat a Sheldon Adelson, l’enterpreneire estatsunidenc proprietari de mantes casinòs per tot lo Mond. Es partisan de la drecha israeliana e es fòrtament antipalestinian.
 
The Jerusalem Post èra estat lo grand jornal d’Israèl, liberal, amb una consolidada reputacion jornalistica, que l’a perduda long de las annadas.
 
E24News es una nòva cadena de television qu’emet dempuèi Jafa dins qualques lengas.
 
GushSalom es lo sit web del movement pacifista israelian. Mòstra un contrast grand en comparason amb las posicions que defendon los grands mèdias del país.
 
B’tselem es lo sit web d’una celèbra organizacion israeliana de defensa dels dreches umans.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Deus Carmo
2.

Viva o povo judeu. Não ao sionismo.

  • 1
  • 0
Deus Carmo
1.

A guerra empreendida pelos sionistas de Israel e do mundo só prejudica a imagem dos judeus no mundo, que em sua esmagadora maioria é contra este massacre. O pior. Com a destruição das casas palestina, fica mais do que evidente que o objetivo é ocupar de vez os territórios palestinos, além de se fazer uma limpeza étnica. Que nome se dá a isto? O povo judeu não merece o ódio que os sionistas estão atraindo os sionistas para si.

  • 1
  • 0

Escriu un comentari sus aqueste article