Actualitats
14 de julhet de 1755: Pasquale Paoli General de la Nacion còrsa
En la màger part d’Occitània, lo 14 de julhet, jorn festiu, celebrarà la fèsta nacionala francesa, que sa data ramenta a l’encòp l’insurreccion populara a París en 1789 e la Fèsta de la Federacion, organizada un an apuèi dins la meteissa vila.
En Corsega, pasmens territòri francés, lo 14 de julhet ten una significacion particulara: recòrda, dins lo convent Sant Antòni de la Casabianca, l’eleccion en 1755 de Pasquale Paoli coma General de la Nacion, valent a dire cap de l’estat que se’n proclamèt a la meteissa escasença l’independéncia.
Òme engatjat dins lo Sègle de las Luses, Pasquale Paoli, qu’aviá legit lo filosòf occitan Montesquiu, lo teorician de la separacion dels poders, organizèt l’estat còrs, enebiguèt la vendetta, creèt a Corti l’Universitat de Corsega e establiguèt una constitucion democratica que donava drech de vòte a totes los còrses de mai de 25 ans, e mai a las femnas s’èran celibatàrias o veusas, malgrat de tendéncias autoritàrias a l’entorn d’un generalat (una presidéncia) a vida. Oficialament reialme que sa reina èra la Verge Maria, l’estat còrs èra de fach una republica, que resistiguèt als genoeses (encara presents dins qualques endreches de l’illa), puèi als franceses fins en 1769, amb la desfacha de Ponte Novu del 9 de mai. En octòbre de 1768, totun, aviá obtengut una importanta victòria a Borgu, al sud de Bastia.
Exiliat en Anglatèrra, Pasquale Paoli poguèt tornar dins sa pàtria gràcias a la Revolucion Francesa, que li donèt lo comandament de l’illa. De tensions i apareguèron, en particular a causa de la politica centralista de París, e Paoli cerquèt en 1793 una aligança amb Anglatèrra que menèt a la creacion en 1794 d’un reialme anglocòrs, que perdèt en 1796 fàcia a França. Ansin Pasquale Paoli moriguèt en exili a Londres en febrièr de 1807, dins sos 82 ans.
Uèi 14 de julhet, los nacionalistas còrses autonomistas de Femu a Corsica (Fagam Corsega) organizan a Bastia, que son nòu cònsol, Gilles Simeoni, es d’aquel movement, un recampament a la memòria de Pasquale Paoli a 18h, davant son estatua. Los independentistas, eles, commemòran l’eleccion del que los còrses apèlan encara u babbu di a patria (lo paire de la pàtria) a 10h, dins la meteissa vila, mas Plaça Sant Nicolau.
GJB
En Corsega, pasmens territòri francés, lo 14 de julhet ten una significacion particulara: recòrda, dins lo convent Sant Antòni de la Casabianca, l’eleccion en 1755 de Pasquale Paoli coma General de la Nacion, valent a dire cap de l’estat que se’n proclamèt a la meteissa escasença l’independéncia.
Òme engatjat dins lo Sègle de las Luses, Pasquale Paoli, qu’aviá legit lo filosòf occitan Montesquiu, lo teorician de la separacion dels poders, organizèt l’estat còrs, enebiguèt la vendetta, creèt a Corti l’Universitat de Corsega e establiguèt una constitucion democratica que donava drech de vòte a totes los còrses de mai de 25 ans, e mai a las femnas s’èran celibatàrias o veusas, malgrat de tendéncias autoritàrias a l’entorn d’un generalat (una presidéncia) a vida. Oficialament reialme que sa reina èra la Verge Maria, l’estat còrs èra de fach una republica, que resistiguèt als genoeses (encara presents dins qualques endreches de l’illa), puèi als franceses fins en 1769, amb la desfacha de Ponte Novu del 9 de mai. En octòbre de 1768, totun, aviá obtengut una importanta victòria a Borgu, al sud de Bastia.
Exiliat en Anglatèrra, Pasquale Paoli poguèt tornar dins sa pàtria gràcias a la Revolucion Francesa, que li donèt lo comandament de l’illa. De tensions i apareguèron, en particular a causa de la politica centralista de París, e Paoli cerquèt en 1793 una aligança amb Anglatèrra que menèt a la creacion en 1794 d’un reialme anglocòrs, que perdèt en 1796 fàcia a França. Ansin Pasquale Paoli moriguèt en exili a Londres en febrièr de 1807, dins sos 82 ans.
Uèi 14 de julhet, los nacionalistas còrses autonomistas de Femu a Corsica (Fagam Corsega) organizan a Bastia, que son nòu cònsol, Gilles Simeoni, es d’aquel movement, un recampament a la memòria de Pasquale Paoli a 18h, davant son estatua. Los independentistas, eles, commemòran l’eleccion del que los còrses apèlan encara u babbu di a patria (lo paire de la pàtria) a 10h, dins la meteissa vila, mas Plaça Sant Nicolau.
GJB
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari