Bandièra01 1180x150: Comuna de Tolosa

Actualitats

Perqué lo 7-1 es pas brica la chifra mai vergonhabla de la Copa del Mond de fotbòl

La realizaira brasilièra Carla Dauden denóncia dins un vidèo las inegalitats de la societat brasilièra, eclipsadas per la competicion mondiala de fotbòl

Carla Dauden es una jove realizaira de cinèma brasilièra qu’arunan venguèt famosa per un vidèo qu’explicava, amb d’argumentacions plan criticas, perqué pensava pas d’assistir a la Copa del Mond de fotbòl de Brasil. Lo filmet, entitolat No, I’m not going to the World Cup, recebèt mai de quatre milions de vesitas sus Internet. Ara, la Copa del Mond acabada, a fach un autre vidèo qu’afirma que la desbranda per 7-1 amb Alemanha es pas brica la chifra mai umilianta per Brasil.
 
Pendent cinc minutas e mièja, Carla Dauden expausa davant la camèra perqué aquela Copa del Mond es venguda la copa de l’exclusion sociala en seguida de las expulsions de nombrosas personas que demoravan a l’entorn dels estadis, la de l’empresonament arbitrari de fòrça manifestants, la de la mòrt dels obrièrs de la construccion dins los trabalhs dels estadis... Tot aquò, çò explica, per generar encara mai de beneficis a la FIFA, que portarà ara cap a Russia la copa de 2018. E, mentretant, lo Mondial a daissat la majoritat dels brasilièrs amb los meteisses problèmas socials qu’avián abans.
 
Amb tota l’atencion dels mèdias concentrada dins los estadis, Dauden critica cossí s’es desviada l’atencion dels tèmas reals de la societat brasilièra, amb la pauretat davant.
 
Es de soslinhar tanben Who are the Champions?, un documentari web que parla amb un dotzenat de vesins de Maracanã e qu’examina cossí los afècta lo fach de viure al costat del principal estadi de fotbòl brasilièr.
 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan Jaurés Jr Castre
2.

Me sembla qu'o auriái entendut melhor en portugués qu'en anglés dels petrodollars !

  • 7
  • 1
Batko
1.

Pensi que se la gojata parlava encara mès viste, seré encara mès mauaisit de la comprénguer e doncas seré encatra mès escadut.
Pr'amor an pas hèit quicòm de compreneder mès aisidament ?
Reservat aus anglofòns de naishença ?

  • 3
  • 2

Escriu un comentari sus aqueste article