Actualitats
Milhau: an atacat amb d’armas blancas tres esportius de Clarmont-Ferrand
Los tres jogaires son espitalizats amb de feridas d’arma blanca, un d’eles deu èsser operat
Dimenge de ser ataquèron amb de cotèls tres esportius de l’esquipa de rugbi de Clarmont-Ferrand. Julien Pierre, Aurélien Rougerie e Benjamin Kayser tornavan a lor ostalariá a Milhau (Larzac) ont son a preparar la sason que ven, quan foguèron agredits per un desenat d’individús provesits de machets e de sabres a jaba.
Las primièras quatre detencions que la polícia a fach permeton de saber que son de joves de Milhau “coneguts pels servicis de polícia”. Dimenge de ser, los detenguts foguèron meses en gàrdia a vista.
L’agression se passèt vèrs 2 oras del matin, quand las victimas tornavan d’una serada dins un bar-discotèca de la vila. Quand los autres membres de l’esquipa se sarrèron, los agressors quitèron de far mal e fugiguèron.
Segon de fonts de l’enquèsta policièra, “un dels joves clarmonteses s’interpausèt, sembla que sens violéncia, entre una joventa e son companh qu’aviá el una actitud agressiva envèrs ela”, segon çò que rapòrta L’Équipe. El, vexat per l’intervencion de l’esportiu auvernhat, l’esperèt amb mai de mond a la sortida de la discotèca.
Los tres jogaires son espitalizats amb de feridas d’arma blanca. Julien Pierre deurà èsser operat perque un de sos muscles es estat seccionat.
Lo club a fach sa denóncia a la justícia.
Las primièras quatre detencions que la polícia a fach permeton de saber que son de joves de Milhau “coneguts pels servicis de polícia”. Dimenge de ser, los detenguts foguèron meses en gàrdia a vista.
L’agression se passèt vèrs 2 oras del matin, quand las victimas tornavan d’una serada dins un bar-discotèca de la vila. Quand los autres membres de l’esquipa se sarrèron, los agressors quitèron de far mal e fugiguèron.
Segon de fonts de l’enquèsta policièra, “un dels joves clarmonteses s’interpausèt, sembla que sens violéncia, entre una joventa e son companh qu’aviá el una actitud agressiva envèrs ela”, segon çò que rapòrta L’Équipe. El, vexat per l’intervencion de l’esportiu auvernhat, l’esperèt amb mai de mond a la sortida de la discotèca.
Los tres jogaires son espitalizats amb de feridas d’arma blanca. Julien Pierre deurà èsser operat perque un de sos muscles es estat seccionat.
Lo club a fach sa denóncia a la justícia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Soi pas policièr, mès la version deus rubiaires me sembla un drin leugèra. Me bremba çò qu'avèva dit lo Bastaraud en Navèra Zelanda. Es pas tròp clar tot aquò.
E òu! tu, Jornalet! t'an pas dit a l'escòla? t'an pas parlat del grand Masèl susvengut un 22 de julh?...Per una ataca, qu'èra una ataca, aquò! non?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari