Bandièra01 1180x150: Comuna de Tolosa

Actualitats

crotz-tolosaCreated with Sketch.DaufinatAut DaufinatGapencés

Gap: agression antisemita contra una dòna andicapada

Dins son domicili li lancèron de pèiras e la menacèron de mòrt, davant los uèlhs de son educatritz

Un desenat d’individús cagolats ataquèron divendres passat una femna andicapada dins son domicili de Gap. Li lancèron de pèiras e la menacèron de mòrt, davant los uèlhs de son educatritz.
 
“La polícia a agut de mal per intervenir e a pas penetrat dins l’apartament”, çò diguèt a Dici.fr Bernard Fauvel, director de La Source, lo centre d’ajuda integrat pel trabalh qu’assistís la victima. “L’educatritz a fach sa denóncia e tanben la persona andicapaa. La Source pereu se portarà partia civila. Es un afar fòrça grèu e espaventós”, çò apondèt.
 
L’agression seriá de tipe antisemita, ja que la dòna agredida, de religion catolica, s’èra interessada al judaïsme e aviá de simbòls de las doas religions dins son ostal. Los agressors la voldrián culpabilizar de las orrors de la guèrra dins la Lista de Gaza.
 
Iniciativa per Occitània a condemnat aquela agression. De mai, la comunautat josieva de l’estat francés a denonciat d’agressions contra uèch sinagògas dins la Republica pendent la setmana passada.


Atac contra l’espaci del judaïsme de Tolosa
 
Dissabte de ser, la polícia arrestèt un òme après que lancèt d’engenhs incendiaris sul principal luòc de rescontre de la comunautat josieva de la Ciutat Mondina, segon çò que rapòrta Libération.
 
E mai se s’agís d’un atac isolat, Nicole Yardeni, presidenta del conselh representatiu de las institucions josievas de Miègjorn-Pirenèus, declarèt “que s’agís de far mal als josieus, fòrça al delà de çò que se passe en Gaza”.
 
Qualques oras abans, aperaquí 500 personas avián manifestat dins la Vila Ròsa contra los atacs de l’armada israeliana sus la Lista de Gaza. La protèsta se debanèt pacificament. 




Agression antisémite d'une personne handicapée...per dicitv31


Le témoignage d'une personne handicapée...per lemedia05

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Domergue Sumien Ais de Provença
10.

La vertat absoluda, definitiva e etèrna sus Israèl: http://www.dailymotion.com/video/x39lxq_siouxsie-and-the-banshees-1980-isra_music

***Siouxsie And The Banshees - Israel***

Little orphans in the snow
With nowhere to call a home
Start their singing, singing
Waiting through the summertime
To thaw your hearts in wintertime
That's why they're singing, singing

Waiting for a sign
To turn blood into wine
The sweet taste in your mouth
Turned bitter in its glass

Israel, in Israel
Israel, in Israel

Shattered fragments of the past
Meet in veins on the stained glass
Like the lifeline in your palm
Red and green reflects the scene
Of a long forgotten dream
There were princes and there were kings

Now hidden in disguise
Cheap wrappings of lies
Keep your heart alive
With a song from inside

Even though we're all alone
We are never on our own
When we're singing, singing

There's a man who's looking in
And he smiles a toothless grin
Because he's singing, singing
See some people shine with glee
But their song is jealousy
Their hate is clanging, maddening

In Israel
Will they sing Happy Noel
In Israel, in Israel
Israel, in Israel
In Israel
Will they sing Happy Noel



  • 2
  • 6
Gerard Joan Barceló Pèiralata
9.

#7 Perdon pel poce: voliái clicar sus l'autre mas me soi enganat. Caldriá trobar un mejan tecnic per rectificar las decas...

  • 3
  • 1
Gerard Joan Barceló Pèiralata
8.

#7 Un brave mercé per ton comentari, de verai, que me permet d'aver una idèa clara de ta posicion, que partegi en màger part , perque vòli luchar tanben a l'encòp per la patz e contra l'imperialisme e lo colonialisme. Lo mot "antisionisme" mena a d'ambigüitats, tròbi. M'estimi mai parlar d'anticolonialisme, perqu'es lo problèma fondamental - e universal.

  • 3
  • 3
Batko
7.

#6 Me sembla, en me tornar léger, qu'èi escrit "mesclan antisemitisme e antisionisme", aquò que vòu díser que hèn la confusion entre politica de l'estat israelian e los jusièus tot cort. Condemni clarament l'òdi (es escrit), doncas las insultas tamben, me sembla totun clar.
Cercar de minimizar la pujada de l'antisemitisme o ensajar d'analizar calmament una situacion ? De tot biaish soi acostumat de'm hèr acusar per totis los "camps" deu moment que soi dens la reflexion e non pas la polemica partisana. L'antisemitisme de las annadas trenta a pas ren de véser dambe l'antisemitisme deus joens Arabs de uei. Bon, me diràs qu'es tamben antisemitisme e auràs rason, mès las causas son plan diferentas, quitament gaireben opausadas.
Per çò qu'es de l'antisionisme, aquò vòu pas díser "a favor de la desapareishuda de l'estat d'Israel", ac sabes plan, mès vòu díser "contra l'imperialisme israelian". Se vòus, podèm cambiar lo mot, mès i a una associacion mondiala de jusèus antisionistas, lor calerà demandar lo mot que lor agradaré.
Solide que lo dret de cadun de demorar on vòu es un dret que pas degun de senat nega pas.
Aus comunistas e aus anars de totis paises de tot biaish lor agrada pas los drapèths nacionaus sustot au moment quan lo govèrn es clarament nacionalista, colonialista, bellicós e extremista ... de dreta.
Soi anat en Israèl tres còps (e m'a valut criticas d'estar "sionista", per te díser), on èi uns amics, aquò m'empacha pas d'analizar las situacions calmament. E cridar au lop servís pas de ren, se que non manténguer l'òdi.

  • 6
  • 1
Gerard Joan Barceló Pèiralata
6.

#5 Es pas lo primièr còp que remarqui que semblas de cercar de minimizar la pojada de l'antisemitisme... Li diguèron "josievassa", es pas d'antisemitisme, benlèu? S'atròba que i a tanben de comunistas en Israèl, que son demièg los mai actius per la patz. Quant a "l'antisionisme", valent a dire lo desir de destruccion de l'estat d'Israèl, e doncas l'exili de mai de 8 milions de personas, me taisarai per m'encolerir pas...

  • 2
  • 5

Escriu un comentari sus aqueste article