L’actritz estatsunidenca Lauren Bacall moriguèt ièr de matin dins sos ochanta nòu ans en cò sieu, a Nòva York. Bacall es una de las actrises legendàrias de çò que se’n ditz l’epòca daurada d’Hollywood. E son debut es plan conegut, quand solament aviá dètz e nòu ans, dins lo filme To Have And Have Not, ont coneguèt Humphrey Bogart, que venguèt puèi son òme fins que moriguèt. Sa condicion de veusa de Bogart l’acompanhèt pendent mai de cinc decennis. E es estat justament lo compte de Twitter dels gerents del legat de Bogart qu’a anonciat la mòrt de Bacall: “Amb una prigonda dolor per la magnitud de la nòstra pèrda, e amb una immensa gratitud per la siá vida incresabla, confirmam la mòrt de Lauren Bacall”.
 
Cinquanta ans après lo sieu debut, Bacall ganhèt un Glòbe d’Aur e una nominacion als Oscars coma actritz segondària dins The Mirror Has Two Faces. E en 2009 li foguèt autrejat un Oscar onorific per l’ensemble de sa longa carrièra.
 
Vaquí un vidèo de tribut a Lauren Bacall: