Bandièra01 1180x150: Comuna de Tolosa

Actualitats

Lo govèrn espanhòl menaça de suspendre l’autonomia de Catalonha per evitar lo referendum

Lo ministre espanhòl dels afars exteriors a dich ièr qu’emplegarà “totes los mejans que seràn a sa portada” per que lo vòte se faga pas

Lo ministre espanhòl dels afars estrangièrs, José Manuel García-Margallo, a avertit ièr que l’executiu espanhòl emplegarà “totes los mejans que seràn a sa portada” per empedir lo vòte sobeiranista en Catalonha. Margallo menacèt qu’o fariá “dins la lei, mas tota la lei”, çò que compren tanben la possibilitat de suspension de l’estatut d’autonomia. Margallo, que se definiguèt coma un “patriòta”, assegurèt que lo govèrn espanhòl tolerariá pas en cap de cas la secession de Catalonha e qu’aquel vòte tòca “de linhas rojas” coma “l’unitat d’Espanha e lo principi de legalitat”. “Lo principi qu’avèm jurat de defendre es de respectar la constitucion e las leis e de las far respectar”, çò diguèt lo ministre en un dejunar informatiu amb los ambaissadors de 58 païses.
 
Lo pòrtavotz parlamentari del Partit Popular, Alfonso Alonso, mercegèt sul pic Margallo d’aver expausat “amb clartat” la posicion del govèrn espanhòl sul referendum sobeiranista e sus las armas qu’a l’estat per l’empedir. “S’aquesta setmana i a una provocacion a la normalitat constitucionala o a la legislacion basica, lo govèrn reagirà e complirà son obligacion”, çò diguèt Alonso en conferéncia de premsa, ont remembrèt que lo govèrn espanhòl demandariá la suspension automatica de la Lei de consultas que divendres que ven deu aprovar lo Parlament de Catalonha.
 
Las reaccions, a Madrid, dels deputats d’Esquèrra Republicana de Catalonha (ÈRC) e del Partit Nacionalista Basco (EAJ-PNV) arribèron sul pic. Alfred Bosch, d’ÈRC, acusèt lo ministre espanhòl d’aver una actitud “intransigenta e fanatica” e se demandèt “se suspendr[iá] la democracia”. De son costat, lo pòrtapaurala del partit basco, Aitor Esteban, demandèt se lo ministre “mandariá los tancs” en Catalonha. “Aquò sona plan fòrt. Es preocupant que volgatz pas dobrir las pòrtas a la democracia ni a la liura expression dels ciutadans”, çò apondèt.
 


Margallo diu que l'estat està disposat a...por vilawebtv

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Danton
7.

Illegal de donar la paraula al pòble en democracia ? Mas qu'es aquò la lei ? un utís per ajudar a viure amassa dins lorespècte mutual, o un mejan de far calar los que asseguran pas ma dominacion personala ? Anticonstitucional ? E qu'es aquò una constitucion ? Los imperialista parlan de leis e de constitucions parlan de SAS leis e de SAS constitucions coma se foguèssen estada recebuda sul Mont Sinai entre las mans de profèrta Moishé 8 Son cap e tot calucs e encegats per lor quite famatisme nacionalista xenofòb.

  • 5
  • 0
Quitèira Soumoulou Dacs
6.

Praubes catalans! Que son de gran plànher.

  • 2
  • 0
Manjacostel murèth
5.

$2
Non s'agis pas de tanks, que non. E encara i a d'autres mejans de far grèlhar l'insecuritat, de generar la paur, de far trentolar . Aquò's l'"engenh" e l'expérience amolonada dempuèi de sègles, d'aquelas democracias "del monde liure" de tirar los correjons dins l'escurina sens pareisser per çò que son : criminèlas tot al long de l'istòria. ..
Lo bla bla es per los nècis....N'i a qualques uns dins lo rodol.

  • 3
  • 3
Cristian FORMENT AGEN
4.

#2 Benlèu sètz una persona jova ? En aqueste cas, sauriatz pas forçadament de qué son capaces los franquistas. Passèsse pas res a l'anóncia de la proclamacion d'independéncia, poiriam dire a l'espanhòla : ¿ Qué santo se ha colgado?

  • 3
  • 2
Jig Mimbasta
3.

Son a se foirar dessús…

  • 9
  • 4

Escriu un comentari sus aqueste article