Actualitats
Granda manifestacion a Gardana contra lo projècte E.on
La centrala termoelectrica del País d’Ais seriá nociva per la santat e pòt desforestar Cevenas
S’es convocat un grand acamp dimenge 5 d’octòbre a 10h30 a la Plaça de la Comuna de Gardana (País d’Ais) per prostestar contra lo dich “projècte E.on”, que prelèva de fusta en Cevenas, en particular de castanhièr, per alimentar la centrala termoelectrica de Gardana.
Dempuèi lo 20 d’agost de nombroses camions cargats de lenha son arribats a la centrala. Es previst qu’aquela centrala crème 40 milions de tonas de lenha de castanhièr cevenòl durant 50 ans. Lo chepic per la desforestacion de Cevenas es grand.
Lo collectiu SOS Forèst del Sud estúdia las possibilitats d’arrestar aquela desforestacion per la via judiciària, amb l’ajuda de collectius internacionals tanben concernits per l’impacte negatiu de las megacentralas de biomassa.
En mai de la manifestacion del 5 d’octòbre a Gardana, que se prevei plan nombrosa, lo collectiu crida tanben a una manifestacion e reünion publica per dijòus 16 d’octòbre a Florac (Cevenas). Una peticion s’es mesa en linha
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari