Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Val d’Aran: Vielha e Les sostenon la consulta per l’independéncia de Catalonha

Aperaquí 670 comunas donaràn lor sosten aquesta setmana

Las comunas de Vielha e Mijaran e de Les son las primièras d’Aran e d’unas de las primièras del Principat de Catalonha qu’an aprovat una mocion de sosten a la convocacion del referendum per l’independéncia de Catalonha, prevista pel 9 de novembre que ven. La capitala aranesa a aprovat aquela mocion amb dètz vòtes en favor, los de Convergéncia Democratica Aranesa (CDA) e los d’Unitat d’Aran (UA). Solament a votat contra lo conselhièr municipal del Partit Popular (PP).  De son costat, Les a aprovat la mocion a l’unanimitat.
 
“En aguest moment a on era situacion politica de Catalonha ei importanta, mos somam ad aguesta mocion de supòrt, donques eth dret a decidir ei totauments democratic”, çò a declarat lo cònsol de Vielha e Mijaran, Àlex Moga, qu’a soslinhat qu’“en cas que gessesse er òc ena consulta, calerie negociar un nau encaish politic dera Val d’Aran en Catalonha”.
 
La mocion aprovada a Vielha e a Les, e inclusa en lo compte rendut coma un afar d’urgéncia, s’es tanben aprovada a Barcelona e dins aquesta setmana l’auràn aprovada 670 comunas catalanas (sus 947). Seguís una proposicion de l’Associacion Catalana dels Municipis (ACM) e l’Associacion dels Municipis per l’Independéncia (AMI).
 
Los cònsols de las comunas qu’apròven aquela mocion liuraràn al president de la Generalitat de Catalonha, Artur Mas, los actes dels conselhs municipals e los documents de sosten, dins una reünion prevista pel 4 d’octòbre.
 
Amb aquela mocion, se sosten la Lei que divendres passat l’aprovèt lo Parlament de Catalonha, que permet de realizar de referendums consultatius per conéisser l’opinion dels ciutadans sus una determinada accion politica publica. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

lairissa
3.

Es Bòrdes tanben

  • 4
  • 0
laia
2.

1: calma, que cada poble convoca el ple quan vol o pot. Segons La Vanguardia, avui Ja són 782. Espero que els minicipis aranesos que falten no ens fallaran.

  • 12
  • 0
Gascon d'Aran Vath d'Aran
1.

E es auti pòbles, a què demoren????

  • 17
  • 0

Escriu un comentari sus aqueste article