Bandièra01 1180x150: Comuna de Tolosa

Actualitats

Escòcia es ja independenta… sus Internet

Ièr se dobriguèt lo domeni .scot a totes los usatgièrs

Qualques jorns après la victòria del “non” al referendum sus l’independéncia d’Escòcia, lo país es ja independent sus Internet. Lo domeni .scot, sollicitat per una organizacion sens tòca lucrativa en 2009 per identificar los sits web restacats a Escòcia e a las culturas escocesa e gaelica, se dobriguèt ièr al public general.
 
Cal remembrar qu’aqueste estiu s’es començat d’activar los domenis .eus per la cultura e la lenga bascas e lo domeni .gal per Galícia, que se dobriràn en decembre. Lo domeni .bzh pels bretons s’aprovèt en mai d’arunan, del temps que lo .cat pels catalans marcha dempuèi 2005.
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

BOURDON Pau
7.

#6 Qu'avetz rason, la redaccion qu'ac deu saber. Ua amòrsa ?

  • 2
  • 0
Gerard Joan Barceló Pèiralata
6.

#1 Tanben cresi que la redaccion de 'Jornalet' deu saber la diferéncia entre los tipes de noms de domeni. A mon vejaire, es una formula d'acròca ('accroche' en francés; prepausi aqueste neologisme-cal, mas se i a de melhoras traduccions, benvengudas! :-) ).

  • 1
  • 0
Gerard Joan Barceló Pèiralata
5.

#4 Doncas, qu'esperam? Una subvencion d'un Conselh Regional? ;-)

  • 1
  • 0
BOURDON Pau
4.

#2 Quan ua organizacion creada ad hoc e hasca la demanda.

  • 2
  • 0
Gerard Joan Barceló Pèiralata
3.

Aquò dich, lo nom de domeni '.cat', e mai siá pas lo d'un estat, a fòrça ajudat la causa catalana.

  • 3
  • 0

Escriu un comentari sus aqueste article