Lo retorn de Nicolas Sarkozy sus la scèna politica francesa a lançat prematurament la campanha per las eleccions presidencialas de 2017. L’èx-president, que se prepausa coma la solucion a la pojada del Front Nacional, comencèt lo rambalh amb de declaracions omofòbas dimenge passat sus France 2. “Utilizarai pas las familhas contra los omosexuals coma òm a utilizat los omosexuals contra las familhas”, çò declarèt.
Dins un moment ont la pensada xenofòba e omofòba es a créisser dins l’estat francés, Sarkozy afirmèt que los opausants a la Lei Taubira, que permet lo maridatge a totas las personas de totas las opcions sexualas, se sentisson “umiliats”. “Òm a umiliat la familha, òm a umiliat un milion de bravas gents qu’avián pas jamai pensat de desfilar de lor vida e que se son sentidas feridas perque òm tocava lor amor de la familha”, çò gausèt dire.
Lo jornal L’Express a publicat las reaccions dels collectius antimaridatge omosexual e d’associacions LGBT. D’un costat, los partisans de negar als omosexuals lo drech de se maridar saludan las declaracions de Sarkozy. Del costat opausat, los collectius LGBT qualifican Sarkozy d’indigne e omofòb e remembran la recrudescéncia de las agressions omofòbas.
Dins un moment ont la pensada xenofòba e omofòba es a créisser dins l’estat francés, Sarkozy afirmèt que los opausants a la Lei Taubira, que permet lo maridatge a totas las personas de totas las opcions sexualas, se sentisson “umiliats”. “Òm a umiliat la familha, òm a umiliat un milion de bravas gents qu’avián pas jamai pensat de desfilar de lor vida e que se son sentidas feridas perque òm tocava lor amor de la familha”, çò gausèt dire.
Lo jornal L’Express a publicat las reaccions dels collectius antimaridatge omosexual e d’associacions LGBT. D’un costat, los partisans de negar als omosexuals lo drech de se maridar saludan las declaracions de Sarkozy. Del costat opausat, los collectius LGBT qualifican Sarkozy d’indigne e omofòb e remembran la recrudescéncia de las agressions omofòbas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Programa de Sarkozy ? Vesi que lo nicèl non s'enauça pas gaire !
1) Classar lèu fait los afars de justícia que lo fican al tribunal per mantas requistas rason.
2) Refusar l'egalitat entre los ciutadans de sa republica en refusant a d'unes lo dreit de se maridar.
3) Refusar l'egalitat entre los ciutadans de sa republica en refusant a d'unes la cooficializacion de sa lenga istorica.
4) Ajudar (exactament coma Hollande, e mièlhs tant coma possible) los rics a venir sempre mai rics e, per i capitar, obligar los paures a venir sempre mai paures.
5) Redusir lo mai que se pòsca los dreits dels trabalhaires en alargant tant coma se pòsca lo dreit dels emplegaires (fins a pertocar l'esclavagisme industrial qu'èra en vigor abans 1914 dins los païses europèus)… exactament coma Hollande, mas plan mai aviat encara.
6) Suprimir mai aviat encara totes los darriès servicis publics, per dire de far pagar cadun los sieus servicis privats. Los rics pagan, se fan servir, e los paures de mai en mai paures los gaitan a se far servir, en se passant d'aqueles servicis d'ara enlà venguts inaccessibles per eles… (Exactament coma Hollande, mas encara mai aviat se possible).
Sarkozy (o Jupé, o Fillon, coma o volètz) ? La dreita descomplexada…
Hollande (o Valls, o Moscovici, o Royal, o qué te sabi) ? La dreita complexada…
E s'estomancaràn, après aquò, que las gents anen pas mai votar. Votar, aquò's causir. la causida, los tractats europèus la nos an confiscada. Alavètz, lo demòra pas mai que de s'usar la saliva subre lo maridatge dels unes o dels autres…
Pron de Sarkozy, Pron de Hollande, pron del maridatge omosexual, pron dels politics franchimands de la "Republica Francesa", caldria parlar mai de ço que nos interressa a nosautres : la defensa de la lenga nostra, del moviment remirable d'emancipacion dels catalans, etc ...
Es contra lo maridatge per totes ..... e dempuèi arser a Lambersart a costat de Lille ......
sabèm tanben qu'es per l'esplechament del gas de sistre ......
Aquel rire carnassièr...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari