Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Eth govèrn d’Aran que manifèste damb es salariats de Neoelèctra

Un centenat de persones an manifestat en Aran contra eth barrament deth sit de Les, a causa dera reforma energetica deth govèrn espanhòu

| UGT-Terres de Lleida
Es enterpreses de Les, Neoelèctra Aran e Carboneco, quitèren era sua activitat eth mes de març de 2014 e Caviar Nacarii contunhe damb era sua produccion de caviar, mès tanben ei immergida en un concors de creditors e barrarà lèu se non se produsís un cambiament de darrèra ora. Aguesta situacion ei provocada dirèctaments pera reforma energetica deth govèrn espanhòu de hereuèr de 2014.
 
Pr’amor dera situacion deth licenciament collectiu de salariats, eth barrament previsible d’aqueres tres enterpreses emblematiques de Les e era importància qu’an entara Val d’Aran, es salariats e eth sindicat UGT amassèren un centenat de persones en ua manifestacion ena entrada deth Tunèl de Vielha.
 
Participèren en aquera protèsta eth sindic d’Aran, Carlos Barrera, eth vicesindic d’Aran, Luís Carlos Medina, era conselhèra deth torisme, deth comèrç e deth consum d’Aran, Anna Díaz, eth conselhèr dera enterpresa e deth trabalh d’Aran, Eduardo Valdecantos, ath delà de trabalhadors des sits de Les, entretant.
 
“Èm conscients qu’aguest barrament ei conseqüéncia d’ua decision deth govèrn centrau e dera coneishuda Lei Soria, dificilament se pòden preveir solucions concretes”, çò diguèt eth sindic d’Aran. De son costat, Medina manifestèc qu’“eth Govèrn d’Aran, a trauèrs des sòns representants, sostien as empreses e as trabalhadors en aguest procès contra eth barrament dera Centrau de Les”.
 
 
 
 
Conselh Generau d’Aran/Redaccion 
 

 

fffff  fffff
 La reforma energetica del govèrn espanhòl
 
La reforma energetica del govèrn espanhòl a eliminat las primas a la cogeneracion, es a dire: al procediment de profechar de l’energia termica venent de la produccion d’energia electrica. Sens aquela bonificacion, Neoelèctra s’es vista obligada de presentar un concors de creditors, çò qu’implica lo barrament de las installacions e la pèrda dels emplecs.
 
Neoelèctra es un pargue industrial ecologic de tres entrepresas a Les, que se completan en la fornidura de matèrias primièras e l’eliminacion dels residús. Neoelèctra gerís la centrala de cogeneracion que produtz d’electricitat per mejan de la combustion de gas; aquò produtz d’aiga cauda que s’emplega per climatizar las piscinas dels esturions de la societat de caviar Nacarii. Aquò crèa lo CO2 que se met en botelha e que se vend per elaborar de bevendas gasosas.
 
     

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article