Actualitats
Lo jornalista curd Muhannad Akidi assassinat per l’Estat Islamic
Aquel crime seguís lo del jornalista iraquian Raad Al Azzawi que refusèt de trabalhar pels jihadistas
L’Estat Islamic a assassinat tornarmai de jornalistas. Aqueste còp s’agís del curd Muhannad Akidi arpès una sequestracion de dos meses, e de l’iraquian Raad Al Azzawi que refusèt de trabalhar pels juhadistas.
Muhannad Akidi
Fusilhèron Muhannad Akidi dimars passat dins la vila de Mossol. Èra embarrat dins un campament de l’Estat Islamic après sa sequestracion fa dos meses. Akidi trabalhava per l’agéncia d’informacions locala e presentèt de programas de la television iraquiana. L’espital de Mossol a raportat que prepara lo còrs per lo remetre a la familha, qu’aparentament demòra als Emirats Arabis Units.
D’usatgièrs de Twitter que lo coneissián demandèron respècte pel jornalista assassinat e preguèron la premsa internacionala de raportar aquel crime, e de mostrar la meteissa indignacion que per los jornalistas occidentals tuats.
Raad Al Azzawi
Qualques jorns abans, l’Estat Islamic aviá tuat lo jornalista iraquian Raad Al Azzawi perque refusèt de trabalhar pel grop jihadista. Al Azzawi foguèt tanplan fusilhat lo 10 d’octòbre passat e daissa tres enfants orfanèls.
D’usatgièrs de Twitter tanben partegèron sa fòto e demandèron una pensada per el.
Muhannad Akidi
Fusilhèron Muhannad Akidi dimars passat dins la vila de Mossol. Èra embarrat dins un campament de l’Estat Islamic après sa sequestracion fa dos meses. Akidi trabalhava per l’agéncia d’informacions locala e presentèt de programas de la television iraquiana. L’espital de Mossol a raportat que prepara lo còrs per lo remetre a la familha, qu’aparentament demòra als Emirats Arabis Units.
D’usatgièrs de Twitter que lo coneissián demandèron respècte pel jornalista assassinat e preguèron la premsa internacionala de raportar aquel crime, e de mostrar la meteissa indignacion que per los jornalistas occidentals tuats.
Raad Al Azzawi
Qualques jorns abans, l’Estat Islamic aviá tuat lo jornalista iraquian Raad Al Azzawi perque refusèt de trabalhar pel grop jihadista. Al Azzawi foguèt tanplan fusilhat lo 10 d’octòbre passat e daissa tres enfants orfanèls.
D’usatgièrs de Twitter tanben partegèron sa fòto e demandèron una pensada per el.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari