Bandièra01 1180x150: Comuna de Tolosa

Actualitats

Rapòrt sanglaçant sus la pauretat infantila

Lo darrièr rapòrt de l’UNICÈF mòstra de chifras inquietantas per rapòrt als estats que cobrisson Occitània

L’UNICÈF ven de publicar aqueste dimars un rapòrt sanglaçant. “Dins los païses mai castigats per la recession, los enfants son los que mai patisson las consequéncias e los que las patiràn per mai de temps”, çò ditz aquel rapòrt entitolat Los enfants e la recession, e mòstra una generacion d’enfants qu’an patit la crisi economica de 2008 a 2012 quitament dins los païses rics. Lo rapòrt, classificat per estats politics, mòstra que los que pertòcan Occitània: Espanha, Itàlia e França (mençona pas Mónegue), son en una posicion inquietanta en ocupar d’unas de las darrièras plaças.
 
La conclusion es alarmanta: “de taxas de caumatge inegalas dempuèi la granda depression dels ans 1930 an empedit de nombrosas familhas de garentir los suènhs, la proteccion e las possibilitats a las qualas los enfants an drech”.
 
Entre 2008 e 2012, d’enfants nombroses son passats jos lo sulhet de la pauretat, “e los que vivián mal, vivon encara pièger. L’UNICÈF alèrta que dins los 41 estats qu’an las economias mai avançadas, lo nombre d’enfants jol sulhet de la pauretat a aumentat de 2,6 milions.
 
Aquela revirada dins las condicions dels enfants es estada mens grèva dins los païses qu’an de sistèmas de proteccion sociala fòrts e que prenguèron de decisions politicas abans la crisi; es lo cas de Chile, Polonha e Austràlia; mas es pas brica pas lo cas dels estats espanhòl, italian e francés.
 
 
 
 
_____
Descargatz lo rapòrt en espanhòl, italian o francés.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernest Guevara Jr. L'Avana
1.

E òc, qué volètz ? Cal plan que la banca centrala europèa se descarga del "salvetatge de las bancas grècas e se desfalçant suls budgèctes dels estats memebres d'Euròpa, qu'a lor torn deurà empruntar a de bancas privadas per poder finançar aquel sosten de salvetatge : e pas question, per aquelas bancas privadas, d'i perdre ni un quite centime d'eurò : doncas, los rics estant dispensat d'mpòstes en rason de defugida fiscala, cal plan que los paurasses paguen. Plan venguts dins lo mond meravilhós +
del liberalisme mondializat.

  • 5
  • 0

Escriu un comentari sus aqueste article