Bandièra01 1180x150: Comuna de Tolosa

Actualitats

Aprene de lengas causa lo meteis plaser qu’amb lo chocolat, lo sèxe o los jòcs d’azard

De scientifics an determinat que conéisser lo sens dels mots activa los circuits cerebrals de motivacion e de recompensa

| Greenflames09
Aprene de nòvas lengas pòt causar lo meteis plaser qu’amb lo chocolat, lo sèxe o los jòcs d’azard, segon las conclusions d’un estudi fach per de cercaires de l’Universitat de Barcelona (UB), de l’Institut d’Investigacions Biomedicalas de Bellvitge (IDIBELL) e de l’Universitat Otto von Guericke de Magdeborg (Alemanha). Dins un estudi publicat dins la revista Current Biology, los scientifics explican cossí an determinat que conéisser lo sens dels mots activa tanben los circuits cerebrals de motivacion e de recompensa.
 
“La tòca del trabalh èra de veire fins a quin ponch aprene una lenga poiriá activar aqueles circuits del plaser e de la recompensa. D’un autre costat, que lo lengatge se siá sostengut per aqueles circuits es una ipotèsi interessanta d’un ponch de vista evolutiu”, çò ditz Pablo Ripollés, un dels autors de l’estudi.
 
Per conclure tot aquò, los scientifics faguèron dos imatges de resonança magnetica a 36 adultes, que mostravan que l’aprendissatge d’una nòva lenga activa las meteissas partidas del cervèl que per los jòcs d’azard.
 
Los cercaires afirman qu’aquela descobèrta poiriá ajudar a trobar las claus pel desvolopament de las lengas umanas, e de motivacions per aprene d’autras lengas.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Doctor Strange Numenòr
7.

Comparar plaser d'apréner une lenga amb plaser sexual, es benlèu maladreit d'o formular aital. S'agís d'aver observat qu'un meteis domani del cervèl s'i trobava estimulat. Non s'i parla pas d'intensitat, plan segur…

  • 3
  • 0
antalya apraquital
6.

#5 De qu'as ???

  • 2
  • 4
Peir pinhan
5.

ArriBèri dÍser Èsser#4

  • 3
  • 11
antalya apraquital
4.

#2 Benlèu ben .. benlèu pas : anguent crompar lo pan me demandavi camin fasent de qu'una lenga fasia mai gausir.... n'arriveri a me diser que devia esser ligat a la sensibiltat de cadun...
Vertat qu'agachèri la pancosièra d'un aire saunejaire... mas parlèc pas pron çaquelà ! :-)

  • 1
  • 0
cissonet occitània
3.

Tant de plaser coma lo sèxe ? O lo chocolat ? Mas son calucs aqueles ! E perqué pas tant de plaser coma ... Ginhac que se'n va solet fins a la gàbia parisenca, que tira e que marca per l'OM, gòòòòòlll ! Ca-lucs !

  • 2
  • 2

Escriu un comentari sus aqueste article