Uèch araneses, sòcis de l’Associacion des Discapacitats dera Val d’Aran (ADDA), participan als jòcs “Special Olympics” que se debanan en Barcelona e Calella (Catalonha) dempuèi ièr e fins a dimenge. “Damb aguest tipe d’eveniment esportiu se fomente er estrambòrd e es sòmis des persones andicapades e, ath viatge servís entà trèir es barrières que molti viatges se crèen ath torn d’eri”, çò declarèt Eduardo Valdecantos, conselhièr de la salut e del benestar d’Aran, qu’apondèt: “demoram que gaudisquen d’aguesta experiéncia”.
 
Aquela espròva esportiva se debana en Catalonha dempuèi 1988 e a per tòca d’ajudar las personas amb d’andicaps mentals de desvolopar l’autofisança e lors abilitats socialas per mejan de l’espòrt. A aquel eveniment participan mai de 1600 esportius venguts de pertot.