Actualitats
Lo Front Nacional contra los sostens a l’independéncia de Catalonha
A mandat una letra a la prefècta dels Pirenèus Orientals en se planhent dels elegits que sostenon l’independéncia e remembra lors obligacions a l’indivisibilitat de França
Louis Aliot, eurodeputat francés del partit xenofòb Front Nacional, a mandat una letra a la prefècta del departament dels Pirenèus Orientals (nòrd de Catalonha e Fenolheda) ont planh “lo silenci de l’estat francés davant cèrts grops independentistas catalans” e sustot lo sosten al procès independentista de Catalonha de qualques elegits nòrd-catalans”. Segon Aliot, aqueles elegits “otrapassan lors responsabilitats ligadas a lors mandats e s’immiscisson dins los afars intèrnes d’un estat estrangièr amic de França”.
L’elegit ultradrechista “remembra als elegits lors obligacions dins l’estricte respècte de la Republica Francesa una e indivisibla e dins l’amistat que nos liga amb lo pòble espanhòl”.
Dins sa letra, que sonque signa el, afirma que “sèm nombroses los elegits que volèm èsser pas associats a aquelas provocacions ni èsser assimilats a de grops extremistas.” Aliot es tanben conselhièr municipal d’oposicion dins la comuna de Perpinhan e a totjorn refusat totas las iniciativas per la lenga catalana.
L’elegit ultradrechista “remembra als elegits lors obligacions dins l’estricte respècte de la Republica Francesa una e indivisibla e dins l’amistat que nos liga amb lo pòble espanhòl”.
Dins sa letra, que sonque signa el, afirma que “sèm nombroses los elegits que volèm èsser pas associats a aquelas provocacions ni èsser assimilats a de grops extremistas.” Aliot es tanben conselhièr municipal d’oposicion dins la comuna de Perpinhan e a totjorn refusat totas las iniciativas per la lenga catalana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
a l'origina lo nom entier dau partit es "Front national pour l'unité française"...
#5 Boti pas totes los repatriats dins la meteisa saca e ne coneissi un molon que son pas d'aquesta mena mas, puèi que parlam de Catalonha, cal remembrar qu'es amb lo capitani Sergeant que l' FN s'enrasiguèt a Perpinhan. Ai pro ausit dire per de mond que passa pel Rosselhon que los catalans son racistas, "as pas que veire los resultats del FN" argumentan. De racistas a Catalonha, n'i a, segur, e encara mai de frontistas (en començar pel defuntat Jonquères d'Oriola) mas per i arribar, los catalans que penjan d'aquel costat an recebut una brava ajuda d'autre mond qu'i son venguts demorar perque lor agrada Catalonha (P.-O. o Rosselhon, solelh, mar montanha, dison eles) mas pas los catalans (levat dels afrancimandits 100%) nimai la Tramuntana.
L'excellenta causa qu'aquesta!
Aquò pròva que l'independentisme, l'autonomisme o lo simple regionalisme nòrd catalan los inquieta a aqueste sinistres incultes del FN. Se son inquiets es perqué jutjan que lo catalanisme en Catalonha Nòrd es a devenir potent.
Lo Front Nacional contra los sostens a l'independéncia de Catalonha !!!!!
Aquò vos estona encara ?
Brave Pirolet, benlèu qu'es un pauc dobtós de rapelar que l'afrós Aliot ven d'una familha de rapatriats d'argèria.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari