Bandièra01 1180x150: Comuna de Tolosa

Actualitats

Perpinhan: l’elegit catalanista Brice Lafontaine respond a la letra de l’FN

| Blòg de Brice Lafontaine
L’adjonch al cònsol de Perpinhan, Brice Lafontaine, cap del partit politic Unitat Catalana, a respondut dins son blòg a la letra de Louis Aliot, del Front Nacional. Aliot aviá escrich a la prefècta dels Pirenèus Orientals per se plànher dels elegits que sostenon l’independéncia e i remembrava lors obligacions sus l’indivisibilitat de França.
 
L’elegit catalanista se considèra atacat dirèctament, e mai se l’elegit del partit xenofòb lo mençona pas dirèctament a el. Dins aquel sens, Lafontaine remembra a Aliot que, “segon l’ierarquia en vigor dins la Republica Francesa”, la prefectura deu pas executar sas demandas. Mas sustot Lafontaine reafirma son “engatjament, coma lo de mantes catalans e democratas” que va “dins lo sens de l’istòria de las nòrmas reconegudas internacionalament de reconéisser lo drech dels pòbles a l’autodeterminacion”; Lafontaine o ditz en citant l’ÒNU, la Cort Europèa de Justícia, l’article 9 de la Convencion Europèa dels Dreches Umans, etc.
 
Lafontaine supausa qu’Aliot deu saber, bòrd qu’es èx-professor de drech constitucional, que dins la constitucion francesa de 1946 “i a lo preambul que garentís la libertat dels pòbles e lor plen drech a l’exercici de la democracia”.
 
Fin finala, net e clar, Lafontaine li ditz a Aliot: “i a pas cap de dobte que demostratz de simpatias als ideals de Franco, que negava l’existéncia del pòble catalan e de la democracia”, “çò qu’estonarà pas los mai informats mas que farà veire als autres lo perqué de la vòstra aversion a la reconeissença del pòble catalan, d’un costat o de l’autre dels Pirenèus”.
 
De fach, Aliot a ensajat mantes còps d’empedir que se parle catalan als conselhs municipals de Perpinhan, en tot invocar las leis de la Republica Francesa. Çò meteis o fa dins sa letra a la prefècta.
 
 
 
 
_____
Blòg de Brice Lafontaine: “Ma reponse à Louis Aliot”

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Wojciech L'Hospitalet de Llobregat
2.

Perdoneu per escriure en català, tot just he fet ara les meves prumeres passes en la nostra segona llengua (i la vostra llengua)

El Senyor Aliot faria bé de recordar que l'Estat Francés que ell va crear fomentava l'ensenyament de les "langues regionàles"

  • 4
  • 0
Dinhés Dinha
1.

Òsca a la memòria, intelligéncia e dignitat catalanas !

  • 14
  • 0

Escriu un comentari sus aqueste article