Actualitats
I a solament cinc rinocèros blancs del nòrd sus la planeta
La principala causa de lor quasi-extincion es lo braconatge “que menaça encara de desaparicion las autras espècias de rinocèros”
I a solament cinc rinocèros blancs del nòrd sus la planeta. Fins a dimenge passat n’i aviá sièis mas ven de morir en captivitat un dels darrièrs especimèns d’aquela sosespècia, segon çò qu’a raportat France Info. La principala causa de l’extincion es lo braconatge “que menaça encara de desaparicion las autras espècias de rinocèros”, çò explicava dins aquela emission Stéphane Ringuet, encargat del programa del WWF.
“Lo rinocèros blanc es una espècia que viu en Africa”, çò precisa Ringuet. “La sosespècia del nòrd compta pas mai de cinc individús sus tèrra”. Amb aquel nombre “ne podèm pas garentir la viabilitat d’aquela populacion”. Aqueles cinc darrièrs especimèns vivon en captivitat en Africa, la Republica Chèca e los Estats Units, çò que fa pus malaisida lor reproduccion.
Los rinocèros en general, e aquela sosespècia en particular, son de victimas de las guèrras en Africa e sustot d’un “braconatge organizat”. Lor bana es fòrça presada dins los mercats asiatics, mai que mai en Vietnam ont considèran que garís lo càncer.
A l’ora d’ara i a sus la planeta pas mai de 5000 rinocèros negres e encara 20 000 blancs del sud. Pasmens en 2013 ne tuèron 1004. Es pr’amor d’aquò que lo WWF alerta sus la proteccion de las populacions viablas dels grands mamifèrs.
Podètz escotar l’emission de France Info:
“Lo rinocèros blanc es una espècia que viu en Africa”, çò precisa Ringuet. “La sosespècia del nòrd compta pas mai de cinc individús sus tèrra”. Amb aquel nombre “ne podèm pas garentir la viabilitat d’aquela populacion”. Aqueles cinc darrièrs especimèns vivon en captivitat en Africa, la Republica Chèca e los Estats Units, çò que fa pus malaisida lor reproduccion.
Los rinocèros en general, e aquela sosespècia en particular, son de victimas de las guèrras en Africa e sustot d’un “braconatge organizat”. Lor bana es fòrça presada dins los mercats asiatics, mai que mai en Vietnam ont considèran que garís lo càncer.
A l’ora d’ara i a sus la planeta pas mai de 5000 rinocèros negres e encara 20 000 blancs del sud. Pasmens en 2013 ne tuèron 1004. Es pr’amor d’aquò que lo WWF alerta sus la proteccion de las populacions viablas dels grands mamifèrs.
Podètz escotar l’emission de France Info:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
-Nomès cinc.
-On son els altres?
- Vaja un jenocidi.
- Un altre?
I a solament cinc rinocèros blancs del nòrd ? Del nòrd de qué ? De catalonha ? D'Occitania ? De Cuba ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari