Actualitats
L’FBI acusa la Corèa del Nòrd de l’atac informatic contra Sony
L’agéncia conclutz que l’estructura de l’atac coïncidís amb lo modèl abitual de las activitats criminalas precedentas
L’FBI a acusat dirèctament lo govèrn de la Corèa del Nòrd d’aver organizat lo ciberatac contra l’entrepresa Sony Pictures. Segon l’agéncia, es lo primièr còp que los Estats Units visan los caps d’un autre estat en relacion amb un atac d’aquelas caracteristicas.
L’agéncia federala estatsunidenca conclutz que l’estructura de l’atac coïncidís amb lo modèl abitual de las activitats criminalas de l’estat presidit per Gim Jeongeun (Kim Jong-un). Asseguran qu’an trobat de traças d’adreiças IP associadas a l’infrastructura informatica de la Corèa del Nòrd. “Los espleches emplegats per l’atac son semblables als d’un autre atac del mes de març venent de la Corèa del Nòrd contra de bancas e de mèdias de la Corèa del Sud”, çò an explicat.
Dins un comunicat, l’FBI explica que “trabalharà amb de multiples departaments e agéncias per identificar, perseguir e impausar de consequéncias als individús, als grops o als estats qu’utilizen l’informatica per menaçar los Estats Units o lors interèsses”.
L’atac es estat motivat pel filme The Interview, de Sony Pictures, que ja se deviá projectar la setmana passada. Lo filme, protagonizat per James Franco e Seth Rogen, narra en estil de comèdia un complòt per assassinar lo president de la Corèa del Nòrd, Gim Jeongeun. Los treilèrs promocionals indignèron los caps nòrd-coreans e un grop d’hackers, presumidament coordenats amb lo govèrn corean, menèt a tèrme un atac sens precedents.
_____
Mai d’informacions en catalan dins l’article de Núvol: Kim Jong-un contra Hollywood: una discòrdia de pel·lícula. Tanben ne podètz legir la traduccion automatica en occitan
L’agéncia federala estatsunidenca conclutz que l’estructura de l’atac coïncidís amb lo modèl abitual de las activitats criminalas de l’estat presidit per Gim Jeongeun (Kim Jong-un). Asseguran qu’an trobat de traças d’adreiças IP associadas a l’infrastructura informatica de la Corèa del Nòrd. “Los espleches emplegats per l’atac son semblables als d’un autre atac del mes de març venent de la Corèa del Nòrd contra de bancas e de mèdias de la Corèa del Sud”, çò an explicat.
Dins un comunicat, l’FBI explica que “trabalharà amb de multiples departaments e agéncias per identificar, perseguir e impausar de consequéncias als individús, als grops o als estats qu’utilizen l’informatica per menaçar los Estats Units o lors interèsses”.
L’atac es estat motivat pel filme The Interview, de Sony Pictures, que ja se deviá projectar la setmana passada. Lo filme, protagonizat per James Franco e Seth Rogen, narra en estil de comèdia un complòt per assassinar lo president de la Corèa del Nòrd, Gim Jeongeun. Los treilèrs promocionals indignèron los caps nòrd-coreans e un grop d’hackers, presumidament coordenats amb lo govèrn corean, menèt a tèrme un atac sens precedents.
_____
Mai d’informacions en catalan dins l’article de Núvol: Kim Jong-un contra Hollywood: una discòrdia de pel·lícula. Tanben ne podètz legir la traduccion automatica en occitan
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari