Bandièra01 1180x150: Comuna de Tolosa

Actualitats

Lo “Casal” de Perpinhan sosten lo collectiu dels sens papièrs

Lo centre cultural catalan, qu’aculhís qualques associacions, a donat a aquel collectiu l’argent qu’es arribat de la solidaritat de la CUP

| El Casal de Perpinyà
Lo Centre Cultural Catalan de Perpinhan nomenat “Casal Jaume I”, a decidit d’emplegar l’argent recebut de la CUP per sosténer lo collectiu de sens papièrs de la ciutat nòrd-catalana.
 
Fa qualques meses, la Candidatura d’Unitat Populara (CUP), qu’es un movement politic d’esquèrra radicala dels Païses Catalans, contactèt lo “Casal” de Perpinhan per lor prepausar de participar a un projècte. La CUP a son grop representat dins lo Parlament de Catalonha, e pr’amor d’aquò recebèt d’argent. Pasmens, refusèt aqueles sòus en favor dels collectius dels Païses Catalans que n’aguèsson de besonh, e tanben per la solidaritat internacionala amb Curdistan, Palestina e endacòm mai. E ansin la CUP aviá decidit dins un vòte de donar una partida d’aquel argent al “Casal” de Perpinhan.
 
La còla perpinhanesa decidiguèt d’emplegar aquel argent per sosténer un collectiu de Perpinhan que, segon eles, n’a mai de besonh. “Lo Collectiu de Sens Papièrs de Perpinhan sosten los que fugisson lor país uèi lo jorn e que tròban pas en cò nòstre [en Catalonha] las condicions per viure dignament. Coma o faguèron los fondadors del Centre Cultural catalan”, ço an dich.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jordi Barcelona
3.

Gràcies a la CUP, pel bon sentit, pel seny que demostreu.
Gràcies al Casal de Perpinyà, també pel bon sentit, pel seny que demostreu.
Gràcies.

  • 0
  • 0
Gerard Joan Barceló Pèiralata
2.

Bèl present nadalenc de part de la CUP! :-)

  • 6
  • 0
Cristian FORMENT AGEN
1.

i

  • 0
  • 0

Escriu un comentari sus aqueste article