Bandièra01 1180x150: Comuna de Tolosa

Actualitats

Dotze mòrts e cinc ferits en un atac contra la redaccion del setmanièr Charlie Hebdo

Dos òmes armats son intrats dins la redaccion, en plen centre de París, an fusilhat lo mond e an fugit

| Philippe Dupeyrat / AFP
Dotze personas mòrtas e cinc de feridas: es lo darrièr bilanç que ven de publicar France Info, après que tres òmes abilhats de negre, segon divèrses testimònis, an atacat la sedença del setmanièr Charlie Hebdo en plen centre de París. An fusilhat lo mond amb un fusilh automatic AK-47 en tuant dètz personas e an fugit. An tirat tanben contra dos policièrs que son mòrts mentre que fasián lor dever. La polícia es a cercar los atacants.

Demest las dotze personas tuadas, i a cinc dessenhaires satirics celèbres: Cabu (Jean Cabut), Georges Wolinski, Charb (Stéphane Charbonnier), Tignous (Bernard Verlhac) e l'occitan Philippe Honoré. Tanben es estat assassinat l'economista occitan Bernard Maris. 

Lo setmanièr recebèt de menaças en 2012 quand consagrèt sa primièra pagina a las manifestacions del mond musulman contra un filme que caricaturava lo profèta màger de l’islam, e ne publiquèt tanben de caricaturas. Un an abans, la redaccion foguèt tanplan atacada amb de coctèls Molotov en seguida de la publicacion d’un numèro especial amb una caricatura de Maomet.

Se son organizats de recampaments espontanèus pertot en Occitània, dins l'estat francés e mai a l'estrange. A Tolosa, la polícia a comptat 10 000 personas, e de milierats de marselheses se son acampats al Pòrt Vièlh.
 
Podètz trobar mai d’informacions suls mèdias franceses Le Monde, Libération, Le Figaro, Rue 89, France Info e sus Twitter.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

liceans Agropolis Frédéric Bazille Montpelhièr
26.

Aquèl acta terrorist a baissat lo moral del mond entièr. Es en aqueles moments que tot lo monde, de totas las religions, e originas se dèu aimar e sostèner. Es un biais accessible a tot lo mode per montrar als terroristas quel'union e la solidaritatson mai forts que lors armas.
Aquèl dimècres, un jornal es mort, mas la libertat d'expression es totjorn presenta! Nos cal encoratjar lo jornal CHARLIE HEBDO per que contunhe, e per que los terroristas aguèssen perdut. La Democratioa es tocada, rason de mai pèr se relevar.
Coratje a las famillas de las victimas:
-CHARB
-CABU
-HONORE
-TIGNOUS
-WOLINSKI
-MARIS
-Merabet
-Binsolaro
-cayat
-Boisseau
-Ourad
-Renaud
E a tota la familla de la libertat d'expression qu'es le frança entièra.

Marwann

--Boisseau
--Ourad

  • 2
  • 0
liceans Agropolis Frédéric Bazille Montpelhièr
25.

Aquela caricatura es un polit messatge en omenatge als desenhaires de Charlie Hebdo. Pensam qu'es un acte inaceptable et inuman qu'es estat fach aquesta setmana a Paris. Es dins aqueles moments que devèm èsser units e devèm totes onorar la memòria d'aqueles `òmes que se son batut per la libertat d'expression.

"Ai pas l'impression d'escotelar qualqu'un amb un futre"
Charb

Simon e Valentin

  • 2
  • 0
francesc palma de mallorca
24.

Naturalment que no justifique pas aquests assassinats, que quedi ben clar acò. E ara vos dirai això que deia Ramon Llull al segle Xlll, lo gran filòssof mallorquí de nació catalana a l'edat mitjana: " les paraules humils porten la patz e les superbes la guerra". Dir filh de puta públicament a un altre és llibertat o pas ? Si realment es vol saber lo que pensa la gent dels insults públics, perquè no faire un refrèndum e que lo poble digui si vol que s'insulti publicament o pas? La democracia és lo poble qui mana. A qui li agradaria que l'ofenguessin publicament, únicament a un sadomassoquista.

  • 0
  • 0
MOSCA CANHISCA
23.

#19 Per çò qui ei de vos, que vs'ètz enganat de site.

  • 0
  • 0
MOSCA CANHISCA
22.

#17 "Qué digón, stp?" N'ac sèi pas, ne l'èi pas jamei crompat. Enqüèra mensh quan vedoi tots los racistas e fascistas deu quartièr crompà'u e exibí'u quan publiquèn las famosas caricaturas. Mes que m'estonaré que digossen arren.

  • 0
  • 0

Escriu un comentari sus aqueste article