Bandièra01 1180x150: Comuna de Tolosa

Actualitats

crotz-tolosaCreated with Sketch.AuvèrnheAuvèrnheLimanha

Clarmont-Ferrand: polemica a l’espital per una fresca sexista

An manipulat una fresca existenta per protestar contra la minisitra de la santat, en representant un violament collectiu

| Jean-Louis Zimmermann
Polemica a l’Espital Gabriel Montpied de Clarmont-Ferrand per una fresca murala dins la sala de repaus dels intèrnes. La fresca, que serà lèu escafada, es un dessenh enòrme e colorat que pren tota la paret en representant quatre supereròis, Flash, Superman, Batman e Superwoman,  los tres primièrs amb de gròsses pènis; que son a violar per la vagina e per la boca Wonderwoman en li ejacular dessús. Los personatges disián en francés: “Tè, la Lei de la santat!”, “Pren-la ben prigond!” e “Te deuriás informar un pauc”.
 
Segon çò que podèm legir dins La Montagne, la fresca existissiá dempuèi fòrça annadas, mas aquela dimenjada i aurián apondut los elements pornografics, agressius e sexistas. Dimenge l’imatge se publiquèt sus Facebook e còp sec lo collectiu Osez le Féminisme protestèt. En seguida, la ministra francesa de la santat, Marisol Touraine, que seriá probable la tòca d’aquel dessenh inoportun, condemnèt la fresca. Sembla que Touraine “a l’ora d’ara patís fòrça atacs personals plan violents de la part de mètges qu’emeton de menaças”, segon çò que precisa Libération.
 
Lo Conselh Estatal de l’Òrdre dels Mètges (CNOM segon sa sigla en francés) reagiguèt ièr diluns amb un comunicat que “condemna sens resèrva la realizacion e difusion d’una fresca representant una agression sexuala a l’espital [CHU] de Clarmont-Ferrand”. Lo president del CNOM se reüniguèt amb la direccion de l’espital per “donar las seguidas apropriadas a aquel afar inacceptable”.
 
De son costat, Osez le Féminisme a demandat “la retirada de tota traça de fresca representant de violéncias fachas a las femnas dins las salas de gàrdia”, en soslinhant qu’“aquela representacion es pas un cas isolat”. Dins aquel sens, Libération ajusta que dins los espitals parisencs, dins las salas reservadas als intèrnes, l’art es tradicionalament obscèn. Quitament lo fotograf Gilles Tondini ne faguèt un estudi publicat jol títol Image obscène, publicat per las edicions Mark Batty Publisher. Sembla qu’aquela mòda sexista es arribada en Occitània.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Xesc Ciutat de Mallorca
8.

Cresi que la llibertat d'expression es par desús de tot en França e cal que tota la gent aguante aquesta vergonha e porcada. Los paubres metges han dreit de protestar per les retallades.

  • 1
  • 0
Lutz
7.

#6 Lol… benlèu pr'amor qu'ara… es cubèrta ? :D

  • 2
  • 0
Lusèrp
6.

La fresca es cauda.

  • 4
  • 0
Gerard Joan Barceló Pèiralata
5.

#4 Cossí que siá, cresi que i a doas causas desparièras: la representacion pornografica (qu'es pas necessàriament sexista) e l'apologia del violament collectiu (que si qu'es sexista, de segur).

  • 4
  • 0
Lutz
4.

#3 Benlèu, ne soi pas segura. Es pas pr'amor que Libération a pas vist que las que son dins d'espitals parisencs (caldriá passar lo perif' senon, es tròp complicat) que lo fenomène existís pas aquí. Clarmont n'es pas qu'un exemple. Benlèu l'article a rason, benlèu pas… aquel esperit existís dins las facultats de medecina en Occitània tanben…

  • 1
  • 0

Escriu un comentari sus aqueste article