Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Jean-Paul Makengo se quilha contra lo racisme

L’elegit tolosan a publicat la darrièra letra qu’a recebut amb d’insultas racistas e farà sa denóncia per “mostrar l’exemple fàcia al racisme”

| Jean-Paul Makengo
Lo tolosan Jean-Paul Makengo, conselhièr regional PS de Miègjorn-Pirenèus, recebèt dimars passat una plena letra d’insultes racistas. Makengo publiquèt la letra sus son compte de Facebook amb lo títol “Vivi ma vida d’elegit negre” e farà sa denóncia. “S’o fasiái pas, daissariái pensar que soi resignat. E mai, vòli mostrar l’exemple fàcia al racisme”.
 
Makengo es conselhièr regional encargat de la diversitat e de l’egalitat. Quand èra elegit a la comuna de Tolosa, recebiá sovent de letras coma aquelas, çò a explicat a La Dépêche. El pensava que dins sa carga actuala aquel secutament racista s’acabariá, “mas non, me soi enganat, aquò contunha”.
 
L’elegit apond qu’es “totalament estabosit”, que sap pas que dire davant aquò. “S’encara se critiquèsse mon trabalh. Mas aquí, se fa lo ligam entre mon trabalh e mas originas, es particularament ofensant.”



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cameleon
5.


#2 "... patissi amb vos, del meteis biais, per las meteissas rasons. " Paraulas demasiadas amai se l'estigmatizacion dels occitans de lor accent e, los autres còps, de lor lenga es una realitat espantabla.
Mai d'un occitanista a tres oras del matin sómia en francés mas lo negre demòra negre.
Aquò dich, vòstra solidaritat e vòstra indignacion vos onoran. Òsca per aquel article. Soncá que la comparason que fasètz me sembla pas senada.

  • 0
  • 3
OcDoc Pau
4.

Qu'èm luènh de véder un Peter Bossman (conse d'origine africana de la vila de Piran dusau vila d'Eslòvenia) dens un aviener pròche à Tolosa.
Los racistas atau e son monde qu'an nat referencias locaus nimei d ' identitat vertadèra.
I a enqüèra de camin de hèr au país de Blanco, de Ntamack, de Tirana o de Dusautoir que son gojats d ' Occitania, terra de convivéncia e nat sonque d'Ovalia deu Butabala e de la veishiga.
Lo racisme qu'èi naturaument anti - occitan.

  • 2
  • 0
Xesc Ciutat de Mallorca
3.

Una vegada a Palma anava caminant darrera d'un negre gros. Hi passà un jove amb bicicleta e l'insultà. E tot segit se'n anet correns com una lebre, se l'arriba a agafar lo negre lo destroça a aquela merda de jove.

  • 5
  • 0
Amalric de Montreal Montreal de Carcassés
2.

E òc, sénher Jean-Paul Makengo, l'estat francés es poblat de qualques racistas. Ne coneissi ieu un brave ponherat que s'acòrdan, per exemple, per afortir que "La langue de la république est le français", coma se las autras lengas (e los pòbles que las parlan) foguèssen inferioras, en qualitat, e per natura, nativament, se volètz. Vos estabosís aiçò ? França es definicionalament racista, constitucionalament, se mai sembla clar. Soi vertadièrament malcorat de çò que vos arriba, qu'aquò es descorant e revoltant. La vòstra pèl es negra ? Ieu, es la lenga qu'ai de negra, e patissi amb vos, del meteis biais, per las meteissas rasons. França es un estat racista, fins al trecim. E mai un còp elegit del pòble, ne trobaretz sempre per vos mespresar la pèl, e mai, la lenga dels vòstres aujòls. Es revoltant.

  • 13
  • 2
casa
1.

Lo nivèu culturau (sintaxic, ortografic, etc) de la letra mostra ben que lo racisme es sovent un afaire d'inteligéncia ...

  • 10
  • 0

Escriu un comentari sus aqueste article