Bandièra01 1180x150: Comuna de Tolosa

Actualitats

Tot un vilatge lemosin en venda

“Èra un vilatge qu’èra fòrça poblat essent qu’a un moment aguèrem fins a catòrze fogiers [...] e au fiu dau temps, aqueste vilatge s’es despoblat”

Un exemple extrèm de la desertificacion de las campanhas en Lemosin: tot lo vilatge de Chartrier e Ferriera es en venda. Se tracta d’una localitat del País de Briva que tòca lo Peiregòrd Negre e lo Causse de Martèl. Compren uèch grandas maisons de pèira de talha, representativas de l’arquitectura rurala del país. “Èra un vilatge qu’èra fòrça poblat essent qu’a un moment aguèrem fins a catòrze fogiers [...] e au fiu dau temps, aqueste vilatge s’es despoblat”, çò explica lo cònsol Guy Roques a France 3.
 
Lo vilatge demorèt completament despoblat amb l’exòde de las populacions ruralas vèrs las vilas fins en 1975, quand lo comprèt una societat de vilatges de vacanças per i far de colònias de vacanças. Ara, aquela societat s’es separada e lo vilatge es en venda. Dins aquel periòde, Chartrier e Ferriera ganhèt un restaurant e una sala de las fèstas polivalenta.
 
Lo vilatge occitan se vend al prètz de 369 000 èuros, segon çò que rapòrta Le Figaro.



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JCD
13.

#11 A ben ten, sei plenament d'acòrd questa vetz.

  • 2
  • 0
JCD
12.

#10 A ten, "sent" (e pas "sant") es tolerat, quò m'estona ? Ne'n ses segur Domergue ? Un cas de polimorfisme ?!

  • 1
  • 0
Domergue Sumien Ais de Provença
11.

Un vilatge que se voida es una catastròfa umana e culturala. Es quimeric de reconstituir sa populacion despareguda. Idealament, dins lo futur, i caudriá atraire d'abitants novèus, amb una actitud favorabla a la cultura lemosina e a la lenga occitana.

  • 5
  • 0

Escriu un comentari sus aqueste article