Bandièra01 1180x150: Comuna de Tolosa

Actualitats

La 5a manifestacion per la lenga occitana se debanarà lo 24 d’octòbre a Montpelhièr

Segon un comunicat qu’a mandat la Coordinacion per la Lenga Occitana, compausada per l’IEO e Calandreta

| Guillem Sevilla
La cinquena manifestacion “Anem Òc, per la lenga occitana” se debanarà lo dissabte 24 d’octòbre que ven a Montpelhièr, segon un comunicat qu’a mandat la Coordinacion per la Lenga Occitana. Aquela coordinacion, compausada per l’Institut d’Estudis Occitans (IEO) e per Calandreta, crida a manifestar “Davant lei fenomèns de regression e lo perilh de mai en mai gròs que menaça la lenga” en tot demandar que la mobilizacion siá granda.
 
Aquel comunicat es arribat una setmana après que lo Partit de la Nacion Occitana publiquèsse un comunicat que cridava los autres partits e organizacions occitanistas a coorganizar aquela manifestacion.
 
La còla de Jornalet avèm ja reservada la data e farem tot çò possible per qu’aquela mobilizacion rassemble fòrça mond.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

alèssi Tolosa
76.

#64 qu'ai totjorns pas comprés perqué as escrich aquò.... :-)

  • 0
  • 0
Bulhenc Buèlh
75.

#71 es clar. Ai un amic qu'es president d'una assos occitanista, segretari d'una autra e actiu dins una tresena. Una persona darrier 3 assos de fach... Dins 4 ans tots auràn eissubliat aquela "Iniciativa Lengadòc".

Ai una idèa : qu'un escrigue un comunicat per Marselha firmat "iniciativa Provença".

#74 òc, es l'evidença. Lo trabalh d'Occitània de'n bas deu ren comptar. Marselha e las accions de l'OPM son sensa importança benlèu per aquelos... Pietat. E pi i es ben l'IEO 13, non ?

  • 3
  • 1
Mathieu Castel Marselha
74.

#73 Es verai per Marselha ? A ieu degun me pausèt la question. Es verai qu'amb mai de 200 sòcis a l'OPM, comptam pas gaire...

  • 14
  • 2
caludeta
73.

De ma coneissença degun vòuguèt pas prene en carga una manif sus Marselha e savetz qu'una manif es quicòm de pesuc d'organizar. L'enveja dei militants basta pas, fau una còla sus plaça per seguir e obrar

  • 5
  • 8
Mat
72.

Perqué lei personaus dau public son pas convidats? Siam pas encara mòrts saique. E ne ´ n fasèm de causas positivas per lei joines. Avèm pas drech a la paraula? Ont es la discutida democratica? Es vergonhós. La marcha à Clapàs se farà sens ieu. Un professor enrabiat. PS: e lo felibritge a pas drech a la paraula? E la Felco? E l'Aeloc?

  • 16
  • 4

Escriu un comentari sus aqueste article