Actualitats
Acòrdi per una alta al fuòc en Ucraïna
La conferéncia de Minsk a conclús un acòrdi entre las partidas en conflicte qu’intrarà en vigor dimenge a mièjanuèch
Los maximals dirigents d’Ucraïna, Russia, Alemanha e França concluguèron ièr un acòrdi d’alta al fuòc en seguida d’una amassada de mai de 15 oras sens interrupcions. Lo president rus Valdimir Putin expliquèt en una brèva pausa que s’èra arribat a l’acòrdi “sus las questions principalas”. La trèva a l’èst d’Ucraïna intrarà en vigor dimenge a mièjanuèch. Los dirigents d’aqueles quatre païses s’èran amassats al Palais de l’Independéncia de Minsk, en Bielorussia.
L’acòrdi compren tanben la retirada de l’armament pesant, la creacion d’una zòna tap (un corredor nèutre) e de mesuras economicas. Tanben òm s’es acordat sus la liberacion de totes los ostatges dins los 19 jorns venents. Lo president francés, François Hollande, a nuançat que i aviá encara mantes aspèctes de resòlver per poder arribar a una patz completa dins la zòna.
Mentretant, los Estats Units pensan d’armar las tropas ucraïnesas. Mas per ara mandaràn de militars sus plaça per entraïnar los ucraïneses. Lo Pentagòn enviarà aperaquí 600 soldats per lor ensenhar, mai que mai, a se defendre dels atacs d’artilhariá, a se protegir dels lançaments de fusadas e a prene d’estradas e de posicions estrategicas.
Segon de donadas de l’ÒNU, mai de 5300 personas, tant de combatents coma de civils, son mòrtas pendent los dètz meses de guèrra dins los territòris de Donetzk e Luhansk.
L’acòrdi compren tanben la retirada de l’armament pesant, la creacion d’una zòna tap (un corredor nèutre) e de mesuras economicas. Tanben òm s’es acordat sus la liberacion de totes los ostatges dins los 19 jorns venents. Lo president francés, François Hollande, a nuançat que i aviá encara mantes aspèctes de resòlver per poder arribar a una patz completa dins la zòna.
Mentretant, los Estats Units pensan d’armar las tropas ucraïnesas. Mas per ara mandaràn de militars sus plaça per entraïnar los ucraïneses. Lo Pentagòn enviarà aperaquí 600 soldats per lor ensenhar, mai que mai, a se defendre dels atacs d’artilhariá, a se protegir dels lançaments de fusadas e a prene d’estradas e de posicions estrategicas.
Segon de donadas de l’ÒNU, mai de 5300 personas, tant de combatents coma de civils, son mòrtas pendent los dètz meses de guèrra dins los territòris de Donetzk e Luhansk.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Primier s'ha de reconèisser la independència de Donets e tot l'est. Fins que no hi haja pas una reconeissença de la independència per part d'Alemanha, França e l'ONU, las causas seguiràn igual. Cal doncs, primier guanhar la guerra, e acabar d'una punyetera vegada amb los bombardaments faissistas que pateiss la poblacion civila de Donets.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari