Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaPeiregòrdDobla

Michel Bordas: un pintor autodidacte apassionat de pastèl

Michel Bordas davant lo cavalet
Michel Bordas davant lo cavalet
Michel Bordas es un pintor autodidacte apassionat de pastèl. Après de corses de dessenh dins l’encastre dels estudis d’art e d’arqueologia a París, realiza dempuèi los ans 1980 de retraches al carbon, de dessenhs a la pluma e de pinturas a l’òli, a l’acrilic o a l’aquarèla.
 
En 1987 un cambiament d’orientacion professionala lo menèt en Peiregòrd, a Santa Eulàlia (Dobla). Ailà, après quinze ans d’inactivitat picturala, tornèt una nòva pagina de son istòria amb lo pastèl gràcias al Festenal Internacional del Pastèl de Festiac (País de Vinhana), que l’organiza la Societat dels Pastelistas de França. Lo pastèl l’a captivat perque li permet “d’expressions tan divèrsas coma sublimas”. Dempuèi, solament trabalha al pastèl sec.
 
La primièra fasa de son istòria amb lo pastèl es plena de realisme. Mas a l’ora d’ara parteja sas emocions en reïnterpretant de tonalitats e en priorizant los sentiments al realisme. Fa siá una vision del pastèl exigenta e sensibla, e la met a l’onor dempuèi 2011 al Salon Internacional del Pastèl de Santa Eulàlia.
 
Bordas participa regularament als salons internacionals e anima d’estagis e un talhièr de pastèl tota l’annada. Collabòra amb Plaisirs de Peindre e Pratique des Arts.
 
A l’ora d’ara es president de l’associacion Pastèl en Peiregòrd e es membre de nombrosas associacions de pastèl de pertot.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article