Bandièra01 1180x150: Comuna de Tolosa

Actualitats

SocietatPoliticaLengaEscòla

Calandreta a manifestat a Tolosa

Lo conselh general del departament de la Nauta Garona a cancelat una subvencion de 25 000 èuros e balha pas cap d’ajuda per dobrir lo collègi

Calandreta es en dangièr, mai que mai a Tolosa, ont lo conselh general del departament de la Nauta Garona a retirat una subvencion de 25 000 èuros, e i a pas cap de responsa sus l’ajuda especifica per i dobrir lo collègi Calandreta. Pr’amor de tot aquò, un centenat de personas manifestèron dimècres de matin a la Ciutat Mondina, davant lo sit del conselh general de la Nauta Garona, malgrat lo freg e la pluèja.
 
Se causiguèt aquel jorn per protestar en escasença de la darrièra assemblada publica abans las eleccions del departament. Aital los manifestants poguèron mostrar lor malcontentament davant tota l’assemblada departamentala.
 
I participèt Christelle Simonato, presidenta de la federacion regionala de las Calandretas en Miègjorn-Pirenèus, que foguèt entrevistada dins l’emission Good Morning Occitània.



Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lafontan
8.

#7 Fan coma pòdon, depend de las escòlas e de las competéncias qu'an per lo burèu de l'associacion. Segur qu'es melhor de comunicar en occitan per un medià occitan.

  • 4
  • 0
Terric lausa Quilhan
7.

#6
Es completament normal, sanitós e virtuós que de parents anglofòns, arabofòns o francofòns s'impliquen dins la defensa e la promocion de l'occitan. Aquelas personas s'ameritan una brava òsca.

Per contra tròbi anormal qu'una personalitat oficiala del malhum educatiu associatiu occitan comunique en francés dins un mèdia occitanifòn. Per çò de la credibilitat e de la dignitat de la lenga, l'imatge donat es pas bon.

Aquò dit, que fagan coma o vòlon. Se son contents atal, de comunicar sonque en francés, tant melhor per eles! Personalament soi pas pus parent de Calandreta e doncas soi pas pus implicat directament.

  • 5
  • 0
Lafontan
6.

Que i aje de parents de Calandreta non occitanofònes es normal es a l'imatge de nòstra societat, eles al mens an causit un ensenhament bilingue per lors enfants, òsca per eles, se sonque los occitanofònes podon comunicar per defendre l'occitan deman n'i aurà pas gaire, cal èsser lucide !

  • 3
  • 0
antalya apraquital
5.

#4 Benlèu.. sabi pas.. pr'aquò es segur que i aguèc d'enganas dins los camins plan mai que tròp desparièrs, per pas díser opausats a 180° . Aquò rai nos devèm de far 360° .
Es benlèu atanben ora de díser ont i aguèc d'enganas e subretot de las contunhar pas. Lo volentariat es pas una empacha a la qualitat. Devèm integrar la nocion de "obligacions de resultas"

  • 3
  • 0
Joan Francés Blanc
4.

#1 Se cal pas enganar. Cresi que lo problèma es pas d'aver de monde desoccitanizats que vòlon tornar la lenga a lors enfants. Se sèm arribats a aquela situacion, es per causa del fracàs del felibritge, de l'IEO, de l'occitanisme politic qu'an pas sabut obténer un ensenhament en occitan de quantitat e de qualitat. Se pòt totjorn criticar l'amatorisme o la qualitat de lenga, mas al mens son de monde qu'an decidit de far quicòm, que se petaçan per o far. Alara, sens las piastras es pas evident de contunhar...
Un autre simptòma es l'abséncia de preséncia mediatica de la lenga. Sens far la lenga de pelha, quala audiéncia pòt èsser tocada pels problèmas de calandretas se se'n parla sonque dins las emissions de ràdio en occitan (e farai pas de comentari tanpauc sus la qualitat de la lenga).

  • 13
  • 0

Escriu un comentari sus aqueste article