Actualitats
Un deputat francés vòl suprimir los ensenhaments de las lengas e culturas d’origina
Bruno Le Maire, de l’UMP, n’a demandat la supression e se ditz indignat perque, segon el, l’escòla republicana “unicament se deuriá encargar d’ensenhar un perfièch mestritge del francés”
Lo deputat francés UMP Bruno Le Maire a demandat la supression dels ensenhaments de las lengas e culturas d’origina, regits segon una directiva europèa que fa ensenhar la lenga e la cutura pròprias dels enfants de cèrtas originas immigrantas. Lo deputat, d’origina francesa e francofòn, o demandèt ièr dimars a miègjorn, dins l’encastre de las questions al govèrn francés. Le Maire se mòstra indignat e compren pas perqué l’escòla republicana se deu encargar d’ensenhar aquelas lengas. Segon el “unicament se deuriá encargar de lor ensenhar un perfièch mestritge del francés”.
Lo dispositiu que Le Maire vòl suprimir foguèt aviat dins los ans 1970 e concernís 92 500 escolans dins l’estat francés, que lor permet d’èsser pas d’analfabets dins la lenga e la cultura del país d’origina. Dins la resèrva de las plaças disponiblas, d’autres enfants tanben i pòdon participar, se son interessats per la lenga e la cultura dels amics. L’inscripcion se fa sus la basa del volontariat e l’ensenhament es assegurat fòra las oras de cors, per un personal pagat e format per las ambaissadas dels nòu estats engatjats en aquela directiva: Argeria, Croàcia, Espanha, Itàlia, Marròc, Portugal, Serbia, Tunisia e Turquia.
L’existéncia d’aquel dispositiu es mesa en causa constantament dins l’extrèma drecha, qu’esitan pas a far d’alarmisme en parlar d’islamizacion de l’escòla. Mas la drecha de l’UMP se i èra mostrada favorabla.
La pensada radicalament opausada a aquela de Le Maire se tròba dins lo sistèma educatiu de Catalonha ont qualques escòlas, en mai d’aquelas lengas e culturas, prepausan tanben d’ensenhar las lengas e culturas d’origina minorizadas, mai que mai lo berbèr, lo quíchoa e lo guaraní, que son tres lengas fòrça importantas dins aquel país.
Lo dispositiu que Le Maire vòl suprimir foguèt aviat dins los ans 1970 e concernís 92 500 escolans dins l’estat francés, que lor permet d’èsser pas d’analfabets dins la lenga e la cultura del país d’origina. Dins la resèrva de las plaças disponiblas, d’autres enfants tanben i pòdon participar, se son interessats per la lenga e la cultura dels amics. L’inscripcion se fa sus la basa del volontariat e l’ensenhament es assegurat fòra las oras de cors, per un personal pagat e format per las ambaissadas dels nòu estats engatjats en aquela directiva: Argeria, Croàcia, Espanha, Itàlia, Marròc, Portugal, Serbia, Tunisia e Turquia.
L’existéncia d’aquel dispositiu es mesa en causa constantament dins l’extrèma drecha, qu’esitan pas a far d’alarmisme en parlar d’islamizacion de l’escòla. Mas la drecha de l’UMP se i èra mostrada favorabla.
La pensada radicalament opausada a aquela de Le Maire se tròba dins lo sistèma educatiu de Catalonha ont qualques escòlas, en mai d’aquelas lengas e culturas, prepausan tanben d’ensenhar las lengas e culturas d’origina minorizadas, mai que mai lo berbèr, lo quíchoa e lo guaraní, que son tres lengas fòrça importantas dins aquel país.
-@Bruno_LeMaire "Nous vous demandons la suppression de l'enseignement des langues et cultures d'origines" #QAG#ELCOpic.twitter.com/gns7kny36c
— LCP (@LCPan) March 3, 2015Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las lengas d'immigracion se pòrtan plan. Es lor ensenhament que sembariá trucar. L'occitan es a las escanas. Las problematicas son donc plan desparièras. Voler defendre totas las lengas del mond perque podèm pas sauvar la nòstra seriá a l'encòp generós e patetic.
Se per talastre una d'aquelas lengas èra menaçada dins son país, son ensenhament en França la sauvariá pas, per çò que aquelas lengas estrangièras ( coma lo polonés autres còps o ara l'arabi...) ,per definicion, an pas vocacion a se territorializar dins l'exagòn.
#15 Hum èra una remarca... m'as s'escafa brica en disent qu'es un argument francés, comparar amb l'occitan ten pas camin tanpauc..
Contrarament a l'occitan :-) (vist coma s'ensenha l'occitan, se pòt pas prener exemple per ensenhar las culturas d'originas, si que non saria una mascanha de mai crèsi) se pòdon ensenhar las culturas d'originas, e es pas per çò que se dis que se pòt ensenhar qu'es aisit de far dins lo concret pas en platussar éh !
e ai ajudat a ne far d'ensenhament sus las culturas d'originas...
Pr'aquò abans de me tafurar amb las culturas d'origina iò çò que m'atreva es la mia cultura l'occitan.... e quand aurai un punt de satisfaccion pron naut per l'occitan m'entrevarai de çò dels autres...
#12 Coma fau per ensenhar l'occitan. Aquò es un argument tipicament francés qu'es estat emplegat per l'occitan : "Cada glèisa a son "occitan", pòt pas s'ensenhar". Avèm provat qu'èra pas vertat. La pluralitat culturala e lingüistica pòt s'ensenhar, que que siá (e per ieu, deu s'ensenhar !).
De tot biaisses soi segur que se fa dejà, mas dins la clandestinitat, per de personas de bona volontat e cultivada, coma se faguèt per l'occitan a la debuta.
Aprèp soi d'acòrdi amb tu. Es pas amb aqueste governament nimai amb lo que vendrà que se lançaràn dins una politica de dubertura culturala.
Mas pensi qu'es una idèia a desvelopar... es tot. :)
#11 A ? Mos grands-parents (nascuts en 1905 e 1914, son mòrts aura) e mos beus-parents (nascuts en 1931 e 1933) agueren p'unpiau de mau per apréner lo francés a l'escòla a l'atge de 6 ans, lo francés es lor segonda linga mairala après l'occitan lemosin. Crese pas que àian mestier de revirar a l'occitan lo francés. A vos segre, e a rebors, quò vaudriá dire que quò serviriá de ren d'ensenhar l'occitan a l'escòla auei.
Vos setz occitanofòne de linga mairala ? Vòstre parlar sembla quauqu'un pauc boirat de dos-tres parlars entre naut e bas-lemosin, ente vos setz elevat ?
#9 Polit en teoria, pr'aquò van començar los garguilhs amb los govèrns d'aquèlas culturas londanhas. Son coma frança an una istòria oficiala qu'es pas totjorn la vertadièra istòria. Las complicacions diplomaticas porian puntar del nas...
Dins la vila de sarcelles en banlega parisenca son 40 nacionalitats.. Cossi vas far concretament per ensenhar 40 culturas d'originas....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari