Actualitats
Drama de la telerealitat en Argentina: mòrt de dètz personas, dont Camille Muffat
La collision de dos elicoptèrs per una emission de TF1 a tuat la nadaira occitana Camille Muffat, los esportius franceses Florence Arthaud e Alexis Vastine e sèt autras personas
Rodada en Argentina despuèi una setmana, l’emission de telerealitat Dropped, de la cadena francesa TF1, s’es interrompuda brutalament pr’amor d’un accident dramatic: lo 9 de març, dos elicoptèrs intrèron en collision. La catastròfa matèt, amb los dos pilòts argentins dels aparelhs, la nadaira niçarda Camille Muffat (25 ans), lo boxaire francés Alexis Vastine (28 ans) e la famosa navigaira francesa Florence Arthaud (57 ans). Son mòrts tanben cinc membres de la còla de l’emission, Laurent Sbasnik, Lucie Mei-Dalby, Volodia Guinard, Brice Guilbert e Édouard Gilles.
Nascuda lo 28 d’octòbre de 1989 a Niça, Camille Muffat i faguèt tota sa brilhanta carrièra de nadaira. Èra dins lo club de sa vila, l’Olimpic Niça Natacion. Foguèt campiona de França (17 còps), d’Euròpa (4 còps), del Mond (2010) e olimpica (2012).
L’emission Dropped es cancelada e, al matin del 10 de març, granda es l’emocion en Occitània e en França.
Nascuda lo 28 d’octòbre de 1989 a Niça, Camille Muffat i faguèt tota sa brilhanta carrièra de nadaira. Èra dins lo club de sa vila, l’Olimpic Niça Natacion. Foguèt campiona de França (17 còps), d’Euròpa (4 còps), del Mond (2010) e olimpica (2012).
L’emission Dropped es cancelada e, al matin del 10 de març, granda es l’emocion en Occitània e en França.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Sénher Masdiset, se volètz tant melhorar nòstre jornal ("nostre" amb un sens inclusiu, de segur), escrivètz e mandatz d'articles. Tanben, auretz remarcat que 'Jornalet' es amplament participatiu: fòrça opinants de sensibilitats desparièras, dobertura de totes los articles als comentaris e doncas al debat.
Sus las departamentalas que vos preocupan, 'Jornalet' a escrich un editorial: http://www.jornalet.com/editorial/4753/eleccion-departamentala-2015
Enfin, coma dobti pas de vòstra volontat que nòstre jornal (tostemps amb lo sens inclusiu) se professionalize, vos podètz associar als Amics de Jornalet: http://www.jornalet.com/pagina/2828/los-amics-de-jornalet
#3 perdon,mèste... efectivament, la critica violenta, la tròbi pas dens l'article, e tanpauc dens aquesta hèita (un accident d'helicoptèr!). e n'èi pas trobat tanpauc arren a prepaus de las eleccions departamentalas. egau com dens tots los auts mediàs, vrai...
on atz vist que hèsi critica de pseudo-esquèrra ? aquò's una idèa fixa en çò vòste !
Feliciti Jornalet de se bolegar per pegar a l'actualitat immediata quand aquesta es importanta e subta coma aquí la mòrt d'asquestas grandas figuras de l'espòrt
#1 Quand Gilós Pietadós fa de paranòia de pseudoesquèrra... Gilós deven incapable de far una analisi d'esquèrra seriosa e compren pas lo potencial evident de critica violenta de la telerealitat ultracapitalista que podèm trobar dins aqueste eveniment.
#1 "ende parlar d'un hèit divers de la telerealitat" => Sabes pas legir? Es pas per parlar de telerealitat, es per parlar de la desparicion de tres grands esportius, entre los quals una campiona occitana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari