Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaLanas e LabritBug

La Leira polluida per un accident a l'usina Smurfit de Biganòs

| Google Maps

Dijaus vrespe, una henduda dens una cuva de licor negra deishèt escapar centenas de metres cubes d'aqueth liquide dens la Leira, rasis l'usina Smurfit Kappa de Biganòs (Bug).


La licor negra es una mesclanha de shuc de cosida deu bòsc e d'alapa caustica, utilizadas com combustible en las caudèiras de la fabrica. S'espandit dens lo riu maugrat los barratges installats, puish dens la laca d'Arcaishon, eslunhada de quauques centenats de mètres. Las autoritats e observadors presents constatèren la mòrt de mantuns peishs, dens una aiga marrona e espessa.
Aquesta pollucion menaça tanben l'activitat ostreicòla deu parçan. Dejà tocats per la preséncia de dinofisis entre abriu e junh – las musclas son encara enebidas a la venta e a la consomacion uèi lo dia–, los ostreicultors se tesican pr'amor d'aqueth accident. An previst de depausar un planh per pollucion, aqueth divés.
 
L'usina Cellulose du pin de Biganòs produsís papèirs kraft e pasta de papèir a partir de la produccion silvicòla gascona, dempuish 1926. Crompada en las annadas 90 peu gigant industriau Smurfit, especializat dens la produccion de papèir e de carton, emplega 410 obrèirs e cadres. Es hòrt criticada peus ecologistas com peus estatjants per la pudor de sons hums (se pòden sentir quilomètres a l'entorn) e peus rejèctes importants de lordumi que son hèits dens la Mar Granda, au Wharf de la Salia, una avançada de 400 metres dessus las aigas qu'escupís nuèit e dia son borièr dens las aigas.
 
 
 
 
Pèir-Joan Masdiset

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lucian
2.

Tiò Danís ! Qu'ei en dangèr l'eco-sistèma de la Laca d'Arcaishon ... Mes anar mes ostau navèths, mes anar mes toristas, mens de pinhadar, ... Be hè páur tot açò ! Que son las vacanças adara ... que seràn polluidas tanben las ustras de la laca d'Arcaishon lèu ... dinc au cap de las vacanças. Qu'ei presenta la pudor deus hums de Biganòs, tot l'an de tot biais ... Lavetz ...

  • 1
  • 0
Danis Bordèu
1.

Quin malastre (fracàs diserén daubuns) !

Arcaishon qu'es dijà un ecòsistemi en dangèir, n'a pas besunh d'aquò !

  • 5
  • 0

Escriu un comentari sus aqueste article