Bandièra01 1180x150: Comuna de Tolosa

Actualitats

Niça: an enebit un maridatge civil perque poirián èsser de musulmans radicals

“Mi siáu opauat a aqueu maridatge, ai refusat de lo celebrar”, çò a dich lo cònsol de Niça Christian Estrosi

La procuraire de Niça a enebit un maridatge que se deviá celebrar diluns passat, en seguissent una demanda de la comuna de Niça. Lo cònsol de la vila, Christian Estrosi, a refusat de maridar un parelh musulman perque lo sospechava de radicalizacion. “En republica i a de cauas que non si pòdon pas acceptar. Mi siáu opauat a aqueu maridatge, ai refusat de lo celebrar”, çò disiá diluns Estrosi sus son compte de Twitter.
 
Segon çò que rapòrta France Info, los futurs maridats èran estats prevenguts per la justícia a la fin de la setmana passada. Segon l’AFP, lo futur maridat seriá estat condemnat en genièr a sièis meses de preson per aver agressat un fornièr, amb dos autres òmes, perque l’aurián acusat d’èsser pas un bon musulman.
 
Pasmens, lo parelh se presentèt diluns a 15h30 a l’ostal de la vila de Niça amb los convidats a la ceremònia.
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan Francés Blanc
8.

Es sonque Estrosi que se fa de reclama a gràtis per l'UMP entre dos torns de las eleccions al conselh departamental. Lo Jornalet es tombat dins la trapèla...

  • 2
  • 1
N. Eynaud Lo Martegue
7.

Un pòrtaparaula de la comuna de Niça vèn de justificar l'annulacion ambé l'article 165-2 dau Còdi Civiu. Pasmens, ponch amusant : aquel article existís pas...

  • 7
  • 0
Batko
6.

Aquò s'apèla una dobla pena, s'a dejà estat condemnat audavant. Puèi, se maridar es meslèu bon per s'apatzar, non pas ?

  • 1
  • 1
MC Marselha
5.

Compreni gaire la decision de la municipalitat de Niça. Siguesson radicalizats religiosament, çò que me sembla es pas un delicte en França, per de qué se porrián pas maridar ?

De qu'es lo rapòrt amb aquela sanccion e çò que li es reprochat ? E subretot, coma vai qu'un posque creire tot ninòi qu'aquela mena de decision es empachativa rapòrt a la fanatizacion dei personas ?

En tot lo cas, lei avocats de la municipalitat van aguer de trabalh per justificar aquela empacha.

  • 4
  • 1
Guilhèm Thomàs
4.

Bon dieu ! Compreni res a aquesta novèla ...

L'Estròsi l'a pas volgut marridar perque lo tipe èra pas un bon musulman ?

  • 3
  • 2

Escriu un comentari sus aqueste article