Actualitats
Solidaritat amb Erri De Luca, l’escrivan antiTGV jutjat per qualques declaracions als mèdias
La justícia italiana l’a mes en causa per aver dich que cal sabotar los trabalhs del TGV de la Val de Susa. El revendica lo drech a “la paraula contrària”
L’escrivan napolitan Erri De Luca es jutjat a l’ora d’ara en Itàlia per aver dich en una entrevista a l’Huffington Post que los trabalhs del TGV dins la Val de Susa, en Arpitània e al limit d’Occitània, los caliá sabotar. Aquelas declaracions li pòdon costar una pena d’un a cinc ans en preson. De Luca a pas pas pensat de se retractar, al contrari, vòl emplegar aquel jutjament per denonciar l’atac contra la libertat d’expression e l’especulacion que destrutz lo territòri.
La paraula contrària
De Luca a publicat un libre entitolat La parola contraria(La paraula contrària) coma responsa al tractament que recep. Dins lo libre, l’escrivan fa un allegat en defensa de la libertat d’expression e dels ligams qu’a la cultura amb las luchas socialas.
Dins sos 64 ans, De Luca es un simbòl de la campanha italiana contra lo TGV. La construccion d’aquela linha, començada dins los ans 1990, ten los abitants de la Val de Susa en pè de guèrra a causa de l’enòrme impacte sus l’environament e dels risques per la santat derivats de la perforacion d’aquelas montanhas, qu’an de nauts nivèls d’amiant.
La campanha de sosten a De Luca se difond suls rets socials amb l’etiqueta #iostoconerri.
Solidaritat en Catalonha
Divendres se presentèt a Barcelona la traduccion catalana del libre. Entitolat La paraula contrària, aquela version conten un avantdire del deputat de la CUP, David Fernández.
Amb la presentacion del libre, lo sosten a De Luca se manifestèt sus Twitter per una fiulada massissa. Los twitterejaires acompanhèron lors fiuladas amb las etiquetas #iostoconerri (ieu soi amb Erri), #laparaulacontraria (la paraula contrària) e #notav (pas de TGV), e capitèron a portar l’etiqueta #EsticambErri (soi amb Erri) als nivèls de subjèctes de mòda de l’estat espanhòl.
La paraula contrària
De Luca a publicat un libre entitolat La parola contraria(La paraula contrària) coma responsa al tractament que recep. Dins lo libre, l’escrivan fa un allegat en defensa de la libertat d’expression e dels ligams qu’a la cultura amb las luchas socialas.
Dins sos 64 ans, De Luca es un simbòl de la campanha italiana contra lo TGV. La construccion d’aquela linha, començada dins los ans 1990, ten los abitants de la Val de Susa en pè de guèrra a causa de l’enòrme impacte sus l’environament e dels risques per la santat derivats de la perforacion d’aquelas montanhas, qu’an de nauts nivèls d’amiant.
La campanha de sosten a De Luca se difond suls rets socials amb l’etiqueta #iostoconerri.
Solidaritat en Catalonha
Divendres se presentèt a Barcelona la traduccion catalana del libre. Entitolat La paraula contrària, aquela version conten un avantdire del deputat de la CUP, David Fernández.
Amb la presentacion del libre, lo sosten a De Luca se manifestèt sus Twitter per una fiulada massissa. Los twitterejaires acompanhèron lors fiuladas amb las etiquetas #iostoconerri (ieu soi amb Erri), #laparaulacontraria (la paraula contrària) e #notav (pas de TGV), e capitèron a portar l’etiqueta #EsticambErri (soi amb Erri) als nivèls de subjèctes de mòda de l’estat espanhòl.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Erri de Luca es un escrivant important de nòstra epòca. A títol personal pensi que i a un fum de ligams possibles dintre son escritura e la literatura occitana, subretot la de Max Roqueta.
Legir son libret (de 50 paginas a palpas) "Lo pes del parpalhon" (le poids du papillon - desencusatz-me, coneissi pas lo títol original) vos farà comprene perqué pòt se batre contra lo TGV transalpin.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari