Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Riumas: an reglat en comissariat un afar de cort de recreacion

Un dròlle de 9 ans interrogat pels gendarmas per aver tirat los pels d’una dròlla. Lo pichon vòl pas tornar a l’escòla

Riumas (Gasconha Tolosana)
Riumas (Gasconha Tolosana) | Paternel_1
Un enfant de 9 ans l’interroguèron dins una gendarmariá pr’amor qu’aviá tirat los cabels de son amiga dins la cort de recreacion. Aquò se passèt a Riumas (Gasconha Tolosana) lo 9 d’abril passat, çò a raportat France Info .
 
La maire de la pichona faguèt sa denóncia a la gendarmariá e lo dròlle se deguèt explicar als gendarmas.
 
Los parents del dròlle son en colèra. Creson que de far sa denóncia a la gendarmariá per una istòria de cort de recreacion, aquò passa l’òsca. “Uei qu’ei traumatizat”, çò expliquèt la maire. “Qu’ei chocat. Estèc entrevistat tot sol a la gendarmariá pendent mei de 30 minutas”, çò precisèt. “Quand l’anèri arrecuperar, que plorava. Quand sortiguèri de la gendarmariá qu’arrefusèc de tornar a l’escòla. Que l’èi miat en çò deus mens grands entà ensajar que descompresse un pauc”.
 
L’afar foguèt fin finala classificat sens cap de seguida. Mas lo dròlle vòl pas tornar a l’escòla e an decidit de lo menar en cò d’un psicològ.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Aquò's la desbaruta del "viure ensem"! Cal restablir la guilhotina miladieu!

  • 1
  • 0

Escriu un comentari sus aqueste article