Bandièra01 1180x150: Comuna de Tolosa

Actualitats

Debat al parlament de Danemarc sus l’independéncia de Catalonha e Aran

En seguida de la proposicion d’un deputat, la cambra danesa se declara favorabla per cercar una solucion pacifica e democratica

Lo parlament danés debatèt arser sus l’afar de l’independéncia de Catalonha e Aran. Una granda majoritat dels deputats se mostrèron favorables per cercar una solucion sus l’independéncia de Catalonha, en seguida d’una proposicion del deputat Nikolaj Villumsen, del partit Enhedslisten (Aliança Roja e Verda). Segon çò que rapòrta Vilaweb i aguèt “una granda majoritat del parlament danés, compreses lo govèrn e lo ministre dels afars estrangièrs, en favor d’un dialòg pacific e democratic per resòlver l’afar de l’independéncia de Catalonha” e Aran.
 
Lo tèxt resultant del debat, sostengut per la majoritat dels partits, es lo seguent:
 
“Lo parlament danés pren nòta de l’explicacion del govèrn suls aspèctes juridics, istorics, politics e internacionals restacats a la situacion de Catalonha e assumís l’opinion que l’afar de l’independéncia de Catalonha es un tèma de dialòg pacific e democratic entre Catalonha e lo govèrn espanhòl a Madrid”.
 
Lo tèxt s’aprovarà en vòte dimars que ven, 19 de mai.
 
Enhedslisten, qu’a 12 deputats sus 179, adreicèt una question al ministre danés dels afars estrangièrs, Martin Lidegaard. Es aquela: “Cossí demandarà lo govèrn danés que se respècte lo drech dels pòbles a la liura determinacion, tocant la vasta majoritat del parlament catalan, la societat catalana e lo govèrn catalan que vòlon far un referendum sus l’independéncia?”
 


Las fiuladas de mercejament sus Twitter:

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article