Actualitats
Las estonantas proposicions de renovelament de la bandièra neozelandesa
Nòva Zelanda deu votar l'an que ven la bandièra que remplaçarà l'actuala, qu’es de l’an 1902 e tota plena de reminiscéncias colonialas britanicas
Lo primièr ministre neozelandés, John Key, anoncièt en octòbre passat que començava un procès referendari per decidir se se manteniá la bandièra nacionala actuala o se cambiava. Lo govèrn a dobèrt un sit web ont los ciutadans del país, e tanben d’endacòm mai, pòdon mandar de proposicions de dessenh: n'i a ja mai d'un milièr, qualques unas de reüssidas e qualques unas qu'o son pas tant.
I a de modèls dignes de dessenhaires e de vexillològs expèrts, e tanben de dessenhs infantils e de proposicions mai curioses, coma la de la bandièra amb còde QR, la qu'a de formas geometricas, la d'omenatge a las fedas (omnipresentas pels prats del país) o aquesta version de la quebequesa. Demest las mai curiosas, i a la version estil Nyan e aquesta bandièra emoticòna.
De totas las proposicions amassadas ongan, un grop de notables de la societat del país seleccionarà lo dessenh que li agradarà mai e en 2016 se farà un referendum per elegir l'eventual modèl ganhant o la bandièra actuala, amb la constellacion de la Crotz del Sud e la bandièra del Reialme Unit al marge superior.
I a de modèls dignes de dessenhaires e de vexillològs expèrts, e tanben de dessenhs infantils e de proposicions mai curioses, coma la de la bandièra amb còde QR, la qu'a de formas geometricas, la d'omenatge a las fedas (omnipresentas pels prats del país) o aquesta version de la quebequesa. Demest las mai curiosas, i a la version estil Nyan e aquesta bandièra emoticòna.
De totas las proposicions amassadas ongan, un grop de notables de la societat del país seleccionarà lo dessenh que li agradarà mai e en 2016 se farà un referendum per elegir l'eventual modèl ganhant o la bandièra actuala, amb la constellacion de la Crotz del Sud e la bandièra del Reialme Unit al marge superior.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari