Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasGarrigas

D’artistas entrevistats per de collegians

Los collegians de Clarençac an observat e entrevistat los Doctors de Trobar

Aqueste mes, dins lo collègi de Clarençac, en Val Naja (Garrigas), los collegians en occitan opcional (una ora per setmana, recampant d’escolans de la 5a a la 3a) observèron e entrevistèron lo grop de rap e hip-hop occitan Doctors de Trobar.
 
Chab, Drac, Inti e Yellow, los membres del grop, venguèron faire una cançon de rap en parlant del tèma del viatge amb los collegians d’occitan del cursus bilenga (tres oras per setmana, una classa de 6a bilenga e una classa de 5a bilenga). S’agissiá de far una cançon sus l’istòria e lo trajècte d’una mala, partent del tèma academic “Espacis e escambis”.
 
L’objectiu èra de far participar los collegians a un trabalh d’escritura e de cant per far una cançon collectiva.
 
Èra original de veire un grop de musica al collègi, çò qu’es pro rar. Es pas gaire —o quasi pas ges— conegut de far de rap en occitan. Una ocasion de donar un imatge modèrne e un exemple dinamic de l’occitan. Un biais de crear l’interès e la suspresa a l’entorn de la matèria qu’es un pauc en marge a respècte de las autras matèrias.
 
Los membres del grop èran simpatics e cadun a parlat fòrça de son mestièr. Diguèron qu’èra un gròs trabalh de far de creacion, de montatge dels sons. Autrament parlèron dels mestièrs d’intermitents de l’espectacle o encara d’aquel de jornalista (que d’unes comolan los dos mestièrs).
 
 
 
 
Lo grop d’occitan opcional (5-4-3as)
del Collègi Théodore Monod de Clarençac

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo Vaunajòu L'Anglada
1.

Òsca per aquel article. Endavant lei collegians!

  • 2
  • 0

Escriu un comentari sus aqueste article