Actualitats
Primièrs sostens a la cauma de la fam de Dàvid Grosclaude
Lo sosten del president d’Aquitània arriba dins un comunicat en occitan
La cauma de la fam, que Dàvid Grosclaude es a menar a tèrme dempuèi dimècres passat a l’Ostal de Region a Bordèu, on es pas tot sol. De mai, Grosclaude a recebut un sosten gaireben unanim de tot l’occitanisme. “Qu’èi arrecebut centenats de messatges, per non díser milierats de messatges de sostien de pertot”, çò disiá ièr l’elegit a Good Morning Occitània, ont explicava son estat d’esperit. Son gèst, inesperat e eroïc per la lenga nòstra, es arribat als mèdias del país e quitament dins la premsa parisenca, catalana, basca e galega.
Al moment de començar son accion, lo conselhièr regional mandèt una letra a Alain Rousset, president de la region Aquitània, als autres conselhièrs regionals, a la premsa, als occitanistas e als amics. Trobaretz aquelas letras en PDF dins los fichiers çai-jonches.
Primièr comunicat de premsa en occitan de la region Aquitània
Lo sosten del president d’Aquitània, Alain Rousset, s’es manifestat amb un comunicat de premsa en occitan, qu’es lo primièr que la region publique en lenga nòstra. Rousset ditz que compren “la [cambada] de Dàvid Grosclaude”, explica que “la creacion de l’Ofici Public de la Lenga Occitana” es aprovada a l’unanimitat per la region que presidís e per Miègjorn-Pirenèus, e soslinha qu’aquel afar “es un dorsèir prioritari, deu quau balham una importància tota particulara. Pr’amor d’aquò, es indispensable que l’Estat permetèsse lèu la creacion formala de l’Ofici Public de la Lenga Occitana, quitament se ne’n es pas enquèra membre, perqué aquesta aisina es primordiala per l’estructuracion e l’avenidor de la politica linguistica interregionala en favor de la lenga occitana”.
“Lo pro qu’ei pro”
Grosclaude es conselhièr regional d’Aquitània delegat a las lengas regionalas, e es en cauma de la fam dempuèi aqueste 27 de mai, a l’Ostal de Region a Bordèu.
“Los signes de mesprètz de part de l’estat de cap a la lenga nosta que’s segueishen e que’s multiplican. Dab lo darrèr d’aqueths signes, lo pro qu’ei pro! Qu’èi decidit de miar ua accion e que demandi lo vòste sostien. Qu’ei ua accion en favor de la dignitat e de la legitimitat deu noste engatjament per la reconeishença de la lenga occitana”, çò ditz l’elegit occitanista dins son comunicat de premsa.
Grosclaude cèrca de desblocar una situacion creada per l’abséncia de responsa de part dels servicis de l’estat francés tocant l’Ofici Public de la Lenga Occitana (ÒPLO). Aquel projècte foguèt votat per las assembladas regionalas d’Aquitània e de Miègjorn-Pirenèus en junh de 2014, mas a l’ora d’ara se constata un “blocatge de l’estat centrau qu’ei permanent quan s’ageish de tractar las questions de las lengas ditas regionaus”, çò apond Grosclaude.
Per que l’ÒPLO veja lo jorn oficialament, solament fa mestièr la publicacion d’un decret al Jornal Oficial de l’estat francés. Aital l’ÒPLO se creariá jos la forma d’un Gropament d’Interès Public (GIP). Mas sembla que i a de reticéncias e de mesprètz cada còp qu’aquela question de las lengas es mesa en debat.
L’Ofici Public de la Lenga Occitana (ÒPLO) deu èsser un organisme public qu’aurà la tòca de definir una politica publica en favor de l’occitan. Aprovat en junh passat pels conselhs regionals d’Aquitània e de Miègjorn-Pirenèus, aquel esplech deuriá permetre de menar una vertadièra politica publica per l’occitan a l’escala de mai d’un territòri, amb la tòca de far trabalhar amassa de collectivitats e d’operators sul terrenh. D’organismes analògs existisson al Bascoat e en Bretanha.
Manifestacion a Carcassona
Uèi divendres, lo Partit Occitan e lo movement ciutadan País Nòstre manifèstan a Carcassona en sosten a Dàvid Grosclaude. L'acamp a luòc a 11h davant la prefectura.
La cauma de Grosclaude dins la premsa nacionala e internacionala
— FIMÒC: David Grosclaude en grèva de la hami
— La Setmana: David Grosclaude en cauma de la hami
— A Vòste: Dàvid Grosclaude en grèva de la hami
— Rue89 Bordeaux: Grève de la faim pour l’occitan à la région Aquitaine
— Aquí: David Grosclaude entame une grève de la faim au Conseil régional d'Aquitaine
— Le Parisien: Bordeaux: un conseiller régional en grève de la faim pour défendre la langue occitane
— Le Peuple Breton: Le conseiller régional David Grosclaude en grève de la faim pour la survie des langues minoritaires
— Vilaweb: Un conseller d'Aquitània, en vaga de fam per l'occità
— Nationalia: Dàvid Grosclaude, en vaga de fam per l’occità
— Kazeta.eus: David Grosclaude gose greban okzitanierari egindako erasoak salatzeko
— Sermos Galiza: O conselleiro rexional de Aquitania inicia unha greve de fame a prol do occitano
Peticion en linha
Sosten sus Facebook
Sosten sus Twitter
#mespresats tuits
Al moment de començar son accion, lo conselhièr regional mandèt una letra a Alain Rousset, president de la region Aquitània, als autres conselhièrs regionals, a la premsa, als occitanistas e als amics. Trobaretz aquelas letras en PDF dins los fichiers çai-jonches.
Primièr comunicat de premsa en occitan de la region Aquitània
Lo sosten del president d’Aquitània, Alain Rousset, s’es manifestat amb un comunicat de premsa en occitan, qu’es lo primièr que la region publique en lenga nòstra. Rousset ditz que compren “la [cambada] de Dàvid Grosclaude”, explica que “la creacion de l’Ofici Public de la Lenga Occitana” es aprovada a l’unanimitat per la region que presidís e per Miègjorn-Pirenèus, e soslinha qu’aquel afar “es un dorsèir prioritari, deu quau balham una importància tota particulara. Pr’amor d’aquò, es indispensable que l’Estat permetèsse lèu la creacion formala de l’Ofici Public de la Lenga Occitana, quitament se ne’n es pas enquèra membre, perqué aquesta aisina es primordiala per l’estructuracion e l’avenidor de la politica linguistica interregionala en favor de la lenga occitana”.
“Lo pro qu’ei pro”
Grosclaude es conselhièr regional d’Aquitània delegat a las lengas regionalas, e es en cauma de la fam dempuèi aqueste 27 de mai, a l’Ostal de Region a Bordèu.
“Los signes de mesprètz de part de l’estat de cap a la lenga nosta que’s segueishen e que’s multiplican. Dab lo darrèr d’aqueths signes, lo pro qu’ei pro! Qu’èi decidit de miar ua accion e que demandi lo vòste sostien. Qu’ei ua accion en favor de la dignitat e de la legitimitat deu noste engatjament per la reconeishença de la lenga occitana”, çò ditz l’elegit occitanista dins son comunicat de premsa.
Grosclaude cèrca de desblocar una situacion creada per l’abséncia de responsa de part dels servicis de l’estat francés tocant l’Ofici Public de la Lenga Occitana (ÒPLO). Aquel projècte foguèt votat per las assembladas regionalas d’Aquitània e de Miègjorn-Pirenèus en junh de 2014, mas a l’ora d’ara se constata un “blocatge de l’estat centrau qu’ei permanent quan s’ageish de tractar las questions de las lengas ditas regionaus”, çò apond Grosclaude.
Per que l’ÒPLO veja lo jorn oficialament, solament fa mestièr la publicacion d’un decret al Jornal Oficial de l’estat francés. Aital l’ÒPLO se creariá jos la forma d’un Gropament d’Interès Public (GIP). Mas sembla que i a de reticéncias e de mesprètz cada còp qu’aquela question de las lengas es mesa en debat.
L’Ofici Public de la Lenga Occitana (ÒPLO) deu èsser un organisme public qu’aurà la tòca de definir una politica publica en favor de l’occitan. Aprovat en junh passat pels conselhs regionals d’Aquitània e de Miègjorn-Pirenèus, aquel esplech deuriá permetre de menar una vertadièra politica publica per l’occitan a l’escala de mai d’un territòri, amb la tòca de far trabalhar amassa de collectivitats e d’operators sul terrenh. D’organismes analògs existisson al Bascoat e en Bretanha.
Manifestacion a Carcassona
Uèi divendres, lo Partit Occitan e lo movement ciutadan País Nòstre manifèstan a Carcassona en sosten a Dàvid Grosclaude. L'acamp a luòc a 11h davant la prefectura.
La cauma de Grosclaude dins la premsa nacionala e internacionala
— FIMÒC: David Grosclaude en grèva de la hami
— La Setmana: David Grosclaude en cauma de la hami
— A Vòste: Dàvid Grosclaude en grèva de la hami
— Rue89 Bordeaux: Grève de la faim pour l’occitan à la région Aquitaine
— Aquí: David Grosclaude entame une grève de la faim au Conseil régional d'Aquitaine
— Le Parisien: Bordeaux: un conseiller régional en grève de la faim pour défendre la langue occitane
— Le Peuple Breton: Le conseiller régional David Grosclaude en grève de la faim pour la survie des langues minoritaires
— Vilaweb: Un conseller d'Aquitània, en vaga de fam per l'occità
— Nationalia: Dàvid Grosclaude, en vaga de fam per l’occità
— Kazeta.eus: David Grosclaude gose greban okzitanierari egindako erasoak salatzeko
— Sermos Galiza: O conselleiro rexional de Aquitania inicia unha greve de fame a prol do occitano
Peticion en linha
Sosten sus Facebook
Sosten sus Twitter
#mespresats tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Perdó que no t'ho digui en Occitá, la llengua que defenses, però desde el sud dels Pirineus, tens tot el suport de molta gent que ens estimem, tant el nostre País com el dels Germans del Nord.
Ànims.
"El Tàrrega".
lo Dàvid es lo nostre heroi, aquestas accions coratjosas son necessàrias per far comprene a la populació que la lenga es una causa important.,e que hi ha gent disposada a donar sa vida per ela. Lo ministret Valls no li arriba a les soles de las sabates.
Caldrià subretot demandar a la "francophonie" çò que compta far per ajudar a la diversitat dins "France", e al salvament de l'occitan, qu'an pas qu'aquel mot en boca lo del respèct de la diversitat ....Pareis que Franca ajuda a la diversitat dins lo monde,!!!!!!!.
Mas lo respèct de la democracia es bon pels autres e France gausa se presentar com'un modèl !!!!
Una pròva de mai qu'es pas una democratica la patria dels drèches de l'òme! E que los occitanistas nècis per pas dire mai , vist lo sicut dempuèi de sègles ( coma se poguèt legir recentament aprèp una brava acampada ) que creson de poder cambiar aquel sistème s'enganan dusca 'l coide...
Per ièu cal ressegar de pertot sul net , sus totes los sitis dels mediàs que parlan de naut de l estat de la démocracia dins lo monde , que cal començar per se trachar de çò que se passa dins Franca al nivèl d'aquel drèch elementari : lo de parlar la lenga mairala.
Coratge a Gròsclaude e mercès!.
#7 per aquel còp una manifestacion es normala mas me sembla seriá melhor, al luòc de far de manifestacions, un còp per aicí un cop per ailà, que i a pas tròp de monde e de mai que se trufan de nosautres, de far mai sovent una mena de sensibilizacion de la populacion. Aquò se poiriá far amb sonque quatre o cinc personas per carrièras a distribuir papierons per que lo mond ausiguèsson parlar de l'occitan, de l'occitània, etc ... un pauc coma los «temoin de jehova» ;-) mas amb un autre messatge. Aquel papieron pòt emanar de mai d'una instància occitanista. Se pòt far dins totas las grandas vilas occitanas e mai de pertot. Comencar de sensibilizar, me sembla que seriá vertadièrament la basa d'una accion mai importanta. Non ?
Lo recampament de Cacassona :
http://www.tvcarcassonne.com/?p=19569
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari