Actualitats
Belgica a estampat de monedas de 2,50 èuros sus la Batalha de Waterloo
Malgrat lo vèto francés, Belgica a capitat a emetre aquela moneda que remembra lo 200n anniversari d’aquel eveniment istoric per Euròpa tota
Belgica a emés de monedas de 2,50 èuros per commemorar de la Batalha de Waterloo. Après èsser obligada per un vèto de França de destruire totas las 180 000 monedas de 2 èuros qu’aviá ja estampadas, l’estat bèlga a emplegat una clausula de la lei europèa que permet que los païses emetan de monedas commemorativas amb de valors non estandards.
La nòva moneda illustra la posicion de las tropas dins lo prat batalhièr e se pòt crompar en linha per 6 èuros. Una moneda d’argent mai granda es disponibla per 42 èuros.
200n anniversari de la desfacha de Napoleon Ir
Aqueste mes de junh se celèbra lo 200n anniversari de la desfacha de l’estat francés menat per l’emperaire Napoleon Ir contra una coalicion armada europèa compausada del Reialme Unit, de Prússia e dels Païses Basses. Aquela batalha precipitèt l’escrancament del despòta francés. Pels bèlgas sembla que la Batalha de Waterloo evòque puslèu un sit geografic ont se passèt un moment istoric e decisiu pel continent. Mas aquel sentiment es pas partejat per la diplomacia francesa que ten a còr qu’una pèça de moneda europèa non pòsca pas rapelar a l’ensemble dels païses europèus l’existéncia de l’imperialisme e del despotisme francés dins l’Euròpa de fa dos sègles. A mens que siá la commemoracion de la desfacha de l’imperialisme francés, valent a dire de la “grandeur”, qu’embarrasse l’estat francés.
Lo vèto francés
Oficialament, la diplomacia francesa demandèt a las autoritats bèlgas que s’arrestèsse la fabricacion d’aquela pèça al motiu que: “La circulacion de pèças correntas que pòrtan un simbolisme negatiu per una fraccion de la populacion europèa nos sembla prejudiciabla, dins un contèxt que los govèrns de la Zòna Èuro ensajan de refortir l’unitat e la cooperacion a l’entorn de la moneda unica”.
Aqueste vèto francés es estat una primièra dins l’istòria de la moneda unica europèa. L’istòria se sovendrà d’aquela anecdòta coma una volontat de non pas tocar l’imatge de Napoleon que, d’un biais incomprensible, las autoritats francesas contunhan de velhar a sa veneracion.
La nòva moneda illustra la posicion de las tropas dins lo prat batalhièr e se pòt crompar en linha per 6 èuros. Una moneda d’argent mai granda es disponibla per 42 èuros.
200n anniversari de la desfacha de Napoleon Ir
Aqueste mes de junh se celèbra lo 200n anniversari de la desfacha de l’estat francés menat per l’emperaire Napoleon Ir contra una coalicion armada europèa compausada del Reialme Unit, de Prússia e dels Païses Basses. Aquela batalha precipitèt l’escrancament del despòta francés. Pels bèlgas sembla que la Batalha de Waterloo evòque puslèu un sit geografic ont se passèt un moment istoric e decisiu pel continent. Mas aquel sentiment es pas partejat per la diplomacia francesa que ten a còr qu’una pèça de moneda europèa non pòsca pas rapelar a l’ensemble dels païses europèus l’existéncia de l’imperialisme e del despotisme francés dins l’Euròpa de fa dos sègles. A mens que siá la commemoracion de la desfacha de l’imperialisme francés, valent a dire de la “grandeur”, qu’embarrasse l’estat francés.
Lo vèto francés
Oficialament, la diplomacia francesa demandèt a las autoritats bèlgas que s’arrestèsse la fabricacion d’aquela pèça al motiu que: “La circulacion de pèças correntas que pòrtan un simbolisme negatiu per una fraccion de la populacion europèa nos sembla prejudiciabla, dins un contèxt que los govèrns de la Zòna Èuro ensajan de refortir l’unitat e la cooperacion a l’entorn de la moneda unica”.
Aqueste vèto francés es estat una primièra dins l’istòria de la moneda unica europèa. L’istòria se sovendrà d’aquela anecdòta coma una volontat de non pas tocar l’imatge de Napoleon que, d’un biais incomprensible, las autoritats francesas contunhan de velhar a sa veneracion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca! Las darrièras nòvas dins lo "Courrier International" èran que França aviá capitat de far enviar al degalh aqueles euròs. Los belgas se son mantenguts fèrms: òsca a eles!
Lo "Courrier" del 10 al 17 de junh es de legir. De contribucions de mantun jornal europencs. Ara cercatz pas los nòstres jornals de referéncia: i son pas! Silenci eissordant sus l'eveniment continental del 18 de junh, per paur que s'ausiga pas lo clam exagonal del general, segur! Occitans, soscatz-i plan: la empachas que nos fan es de la meteissa fusta; es per que lor metèm la pèta aitanplan coma Waterloo!
Ieu ai mandat a un fum de mond una informacion sus aqueste bicentenari perque cresi que n'i a mai d'un que sap pas qu'un 18 de junh n'amaga un autre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari