CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dijòus, 23 de març

Actualitats

Dimars, 23 de junh de 2015, 03h00 Espòrt

Rugbi XIII: victòria en engana-l’uèlh pels Dracs?


Comentaris Cap de comentari    
Marrit Flac Bon Plan bon Fabulós (1 vòte)
carregant En cargar


Un novèl jogaire de tria cò dels Dracs: Krisnan Inu





Etiquetas
roch, rugbi, rugbi xiii, xiii

Aqueste dissabte, los Dracs recebián los darrièrs de Superliga, los Gats Fèrs de Wakefield, a Brutus. Portavan lo malhòt blau i grana en omenatge al Barça per una serada dedicada a la catalanitat: orquèstra de la Bressola, una cançon novèla de l’Albèrt Bueno, de castellers, de sacs de gèmecs...
 
Tot comencèt sus un aire de sardana gaujosa: dos ensages dins las uèit primièras minutas: Ben Pomeroy aprèp una traucada de Fouad Yaha, puèi Krisnan Inu enfumava tres defensors angleses per sa primièra aparicion jol malhòt catalan (en provenença de l’Estadi francés, el, lo kiwi campion del Mond de XIII en 2008). Los catalans creguèron que l’afar èra dins la saca e se metèron a desjogar. Al tèrme d’una ora de jòc, los Gats èran tornats a l’egalitat (12-12). Calguèt una penalitat de Dureau per tornar metre la maquina catalana en branle. Dins las darrièras dètz minutas, los Dracs passèron tres còps: per Elòi Pelissièr, primièr; puèi Escarré beneficièt d’una novèla traucada de Yaha e Loís Anderson i anèt de son ensag. Coma Dureau passèt los sièis còps de pè ensajats, la victòria pòt semblar bèla, 32-12, mas lo jòc estequit prepausat pels Dracs pausa question al public. De segur, l’entraïnaire saludèt las qualitats de paciéncia de son grop!
 
Simbòl de catalanitat, lo Loís Anderson, pairin de la Bressola, diguèt qu’a el, lo maòri de Nòva Zelanda, aprèp aver aprés lo francés, se metiá al catalan e cantèt un tròç d’els Segadors sus las ondas de Radio France Bleu Roussillon.
 
La victòria plaça los Dracs en 6a posicion al classament. Los catalans seràn probable dins los 8 del naut de tablèu per la segonda fasa, mas serà malaisit de l’entamenar dins los 4 primièrs (que recebràn quatre còps per 3 desplaçaments dins la segonda fasa) vist que los adversaris dirèctes fan pojar lor capital de punts: Castleford ganha contra St. Helens (25-24 amb un tombat dins las darrièras segondas http://www.superleague.co.uk/report/11128 ) e Huddersfield s’impausa a Widnes 30-22 http://www.superleague.co.uk/report/11137 maldespièch un carton roge en debuta de partida. Leeds mercé sa victòria sus Hull FC 32-20 http://www.superleague.co.uk/report/11136 torna prene lo cap del classament.
 
 
Los quarts de Cup
 
E ara, plaça als quarts de Cup. Los Dracs dobriràn lo balèti aqueste dijòus, a 9 oras de la nuèit (ora occitana), en serada cò d’Hull KR que ven de se passar un 36-10 a Warrington. En vista de la partida, Laurenç Fraissinós daissèt en tribuna lo Julian Bosquet e lo Zeb Taia aqueste dissabte.
 
Los autres tres quarts an per aficha: Hull FC-Leeds, divendres (21 h); Warrington-Leigh, dissabte (16h); St. Helens-Wifdnes, dimenge (17h). Los quatre quarts se poiràn seguir sus Be In Sport.
 
 
La bèla serà polida
 
Dimècres passat, a Melbourne, gaireben 100 000 espectators seguiguèron lo segond Estats d’Origina de la sason. Las doas formacions prepausèron un jòc mai dobèrt que pel primièr acte e la Nòva Galas del Sud ganhèt sus la “Tèrra de la Reina” [Queensland]: 26-18. Caldrà doncas esperar la tresena partida del 8 de julh a Brisbane per conéisser lo venceire de la sèria 2015.
 
En campionat NRL, Brisbane sèrva la primièra plaça amb una victòria en desplaçament, malaisida, 14-12, sus la Tempèsta de Melbourne.
 
 
Tolosa en League One
 
Tre febrièr de 2016, lo Tolosa Olimpic integrarà lo campionat anglés de Liga Un (League One): lo tresen escalon de competicion. Sol, lo primièr d’aquel campionat poirà montar en Superliga 2 per la sason 2017. Una brava escomesa espèra doncas los campions de França qu’auràn long de l’an venent l’Estadi dels Minims en refeccion. Es l’esquipa resèrva que jogarà lo campionat d’Elèit 1.
 
 
 
 
Alan Roch 




Simbòl de catalanitat, lo Loís Anderson, pairin de la Bressola, diguèt qu’a el, lo maòri de Nòva Zelanda, aprèp aver aprés lo francés, se metiá al catalan e cantèt un tròç d’els Segadors sus las ondas de Radio France Bleu Roussillon.



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Asselineau, las lengas e la minuta de glòria de Jornalet

Jornalet es intrat dins lo debat de la presidenciala francesa de la man de François Asselineau, çò legissiam dijòus passat dins La Setmana. Lo canditat populista e partisan ...
giny

Lo temps

Mapa
  • sol Agen Low:8 High:16
  • sol Aush 14 6
  • sol Bordèu 16 9
  • sol Briançon 5 3
  • sol Caors 13 8
  • sol Carcassona 12 8
  • sol Clarmont-Ferrand Low:5 4
  • sol Confolent 12 10
  • sol Gap 14 7
  • sol La Canau Low:9 12
  • sol La Gàrdia 21 13
  • sol La Torre de Pèlitz 12 8
  • sol Limòtges Low:10 4
  • sol Lo Borg Sant Dalmatz Low:9 4
  • sol Lo Puèi de Velai 10 4
  • sol Marselha Low:14 High:14
  • nuvols Montpelhièr 16 12
  • sol Naut Aran 8 0
  • sol Niça Low:14 High:17
  • nuvols_parcials Nimes 16 11
  • nuvols_parcials Pau 14 6
  • sol Peireguers 14 11
  • sol Rodés Low:9 13
  • pluja Tolon 15 13
  • sol Tolosa Low:8 High:17
  • sol Valença 14 9

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Valadas. © Xavi Gutiérrez Riu

    Valadas

  • © Laurenç Revèst

    Fòrt Maginòt de Sant Anhe

  • © Franc Bardòu

    Catalonha etèrna

  • En Provença orientala: Mogins e noms de luecs occitans escrichs a la francesa

  • © Aure Séguier

    Carnaval Biarnés 2017

  • © Asalaís Moniguet

    Montpelhièr la lengadociana

  • Gavotina marítima: trofèu d'August e vila vielha d'A Torbia

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Val d'Aran, cap de Gasconha

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Menton, 'a vivaroalpenca maritima

  • Niça vièlha en occitan niçard. © LR

    Niça vièlha en occitan niçard

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Còth deth Tormalet, 18/07/2012

  • Era còlha dera ADÒC ath trabalh

  • © Laurenç Revèst

    Fòrt Maginòt de Sant Anhe

  • Sud Tolosan. © Franc Bardòu

    Concors d'estiu 2012: La fotografia de las vacanças

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

giny

Vidèos

Las mai...

publicitat

LateRAL2 300x250: Aquí l'Òc

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)