Bandièra01 1180x150: Comuna de Tolosa

Actualitats

Lo nòu ordenador es arribat a la redaccion

Gràcias a una campanha reüssida de micromecenatge, Jornalet se fa a partir d’ara amb un ordenador coma cal

Jornalet comença d’èsser fach amb un nòu ordenador finançat amb de dons populars. Gràcias a una campanha de micromecenatge mesa en marcha per l’associacion los Amics de Jornalet, la redaccion d’aqueste jornal daissa lo vièlh ordenador qu’òm li aviá prestat e comença de trabalhar amb una nòva maquina plan potenta que permetrà de trabalhar dins de melhoras condicions. Esperam tanben que, gràcias a aquel nòu maquinari, los imatges e los vidèos seràn mai nombroses.
 
L’ordenador arribèt ièr a la redaccion e a partir de uèi se met en marcha. Aquò es lo fruch d’una victòria collectiva, qu’amb la collaboracion de totes, a pas solament provesit la redaccion d’un ordenador coma cal, mas tanben d’un vam subrebèl: lo succès de la campanha es la pròva que Jornalet es un jornal de totes e per totes e qu’es un projècte aimat.
 
A partir del mes de julhet començarem d’enviar las recompensas als mecènas.
 
 
Assemblada dels legeires
 
Per far de Jornalet un projècte mai participatiu e popular, avèm pensat d’organizar doas assembladas de legeires per metre en comun d’idèas e de vejaires, e aital ensajar de melhorar aqueste jornal. Se debanaràn a Rodés pendent l’Estivada e a Vilanuèva d’Òlt pendent l’Escòla Occitana d’Estiu.
 
 
Mercé plan
 
Un brave mercé a totes los qu’an fach possible aquel nòu ordenador e, en particular, a aquel vam novèl per trabalhar amb estrambòrd per l’espaci occitan de la comunicacion.
 
Grandmercé a Alan Fabre, Albert Turull, Alejandro Benito Rusiñol, André Serradell, Betona Comín i Oliveres, Bruno Sapene, Matieu Casanova, Caterina Canyelles Serra, Catherine Wanou, lo Cercle d’Afrairament Occitanocatalan (CAÒC), Christian Pauls, Christian Sépulcre, Olivièr Daillut-Calvignac, Dani Rubió Amorós, David d’Enterria i Adan, David Vidal Viladoms, Deidièr Agar, Aimeric Dussouchaud, Elisenda Escruella Ricou, Eloïse Gentié, Emmanuèl Isopet, la Federacion dels Ensenhaires de Lenga e Cultura d’Òc (FÈLCO), Francés Timoner, Geli Grande, Alexandre Genadot, Griselda Lozano Carvajal, Guillem S., Jaume Jose i Oranies, Jem Cabanes, Joachim Blasco, Joan Camp i Fontcuberta, Joan Cardona Porta, Joan Claudi Rixte, Joan Cristòu Dordet, Joan Marc Pellet, Joan Pèire Alari, Joan Pèire Bertrand, Joan-Carles Martí i Casanova, Josep Puig Torres, Julian Copek, Jusèp-Loís Sans Socasau, Laurenç Revèst, Lluís Alòs i Martí, Lucian Bouvet, MACARÈL, Maime Caillon, Manèl Zabala, Marc Bristiel, Margarita Barjau de la Rosa, Marie-Ange Lagarde, Marie-Laure Moulia, Matiàs Gibert, Matieu Castel, Michal Čukan, Mireia Boya Busquet, Modest Rofes Navarro, Montserrat Rius Almoyner, Nuria Ricart, l’Òrdre del Meriti de las Lengas Regionalas e Minoritàrias (OMLRM), lo Partit de la Nacion Occitana (PNO), Patrici Pojada, Pèire Barral, Pèire Lachaud, Rafèu Sichel-Bazin, Raimon Pavia Segura, Ricard Ruiz, Roy Mc Coy, Sèrgi Gomar, Sèrgi Granièr, Sèrgi Javaloyès, Teiric Offre, Tònho Castet, l’UDAC de Hauta Lesa, Víctor Capdet Montesinos, Yuri Mestres i Vizcaino... e mai qualques mecènas anonims de pertot en Occitània e tanben dels Païses Catalans e de Corsega.
 
Cal soslinhar un mercé plan especial a Pèire Lachaud e a Macarèl per los dons subregeneroses qu’an fach.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
11.

#5 E, colhonet! As las dardenas tu per pagar la còla de jornalistas que cal per far tot aquò?

  • 2
  • 2
Matiàs Carcasonna
10.

#5 çò que cal pas legir ...
Urosament la còla de Jornalet nos mòstra totjorn l'exemple del trabalh dins e per la dignitat!
Longa mai!

  • 5
  • 1
lachaud dornasac (87)
9.

Es vertat qu'ai balhat un chec important dins aquela questa. mas farem pas coma Banturle. Dins las annadas 1960, Banturle fasia una questa per una causa sostenguda per lo parti comuniste e podia pas s'empeschar de dire un tal a balhat tant, un autre a donat tant; aqui d'alai a botat un gròs chec . La femna que l'escotava li disset :" alaidonc, per esser un bon comuniste chau esser un òme riche?" A! "non, non quo es pas çò que volia dire". Non, mas quò li avia eschapat.
Me, ai balhat de bon còr; considera que çò que balhet es un investissament per la lenga e la cultura occitana mas tanben per lo grand cambiament qu'arrieba.
Que de cambiaments dempuei las annadas 1960! Parla pas solament de tecnologia; parla subretot de mentalitats. D'abord Jornalet es un utilh que me permet de legir de l'occitan, de me drubir a d'autres dialectes, de revirat dau frances en occitan. Aquò es deja una capitada. Sab qu'ai belcòp de chamins a far per ameliorar mon escrich. Sei pas de la generacion occitana qu'era bilingua. Non, mos parents parlavan occitan entre eus e frances aus goiats. Portavan en ilh tres culpabilisacions : esser paisan; pas coneisser lo frances; pas aver d'instruccion. çò que comtavan per ilh quò era : "norir, lotgear vestir". Los estats d'amnas los interessavan pas. Tot per l'entreprisa e lo trabalh ren per l'uman.
Los joùnes devian aus parents mas aura quò es los parents que devan aus joùnes.
A l'epòca lo nacionalisme francés dominava mas aura quò es lo nacionalisme regionaliste. E los occitans tenan a lòr region; i a enguera belcòp de chamins a far per qu'occitania devenguessa una entitat a part entiera.
Per la manifestacion de Montpelier ai retengut una formula qu'a retenguda tota mon atencion : se passejar los uns a costat daus autres. Mas si l'òm i pensa bian, lo monde vivan a costat los uns daus autres. L'universitat a montrat lo pas; de las disciplinas las una a costat de las autras; daus cherchadors que cerchan sens s'occupar daus autres. Fin finala, tot lo monde se botan dins una gabia e aqui son protegats; son pas competent dins lo domini de l'autre. Lo monde d'en bas se botan dins una gabia per mielhs criticar l'autre; quò es la fauta de l'autre pas sovent de la lòr . Quò es la societat dau v'un; Passam dins la societat daus dos; i a vos e i a l'autre; i a vòstre def òra e i a vòstre dedins ( çò que pensatz emben lo còr, cò que ressentetz), i a vos e la terra, l'environament, l'univers. Podam pus resonar coma autre còp; podan pus esser dins l'imobilitat .
I aura tant de cambiament a venir qu'ai pas possible de parlar de tots.
Plan merces a la còla de jornalet per la qualitat de çò que fai tant sur lo plan tecnologic que lo plan de las idéias. Jornalet vai grandir. Coma? pârtejar, partejar de las idéias que tot vai cambiar, subretot las mentalitas. Bon vent.

  • 11
  • 1
Terric Lausa Quilhan
8.

#5

Aquí un comentari amb unas qualitats umanas raras. Aquò rescalfa lo còr e demòstra lo sens de la generositat e la simpatia del sieu autor. Lo comentari demòstra tanben una granda coneissença dels requesits tecnics necessaris a la tenguda d'un mèdia modèrne.

Òsca per tot aquò!

  • 13
  • 2
antalya apraquital
7.

#5 cal pas botar l'araire dabans lo parelh ! tanben se cal afanar lentament....

  • 6
  • 1

Escriu un comentari sus aqueste article