Actualitats
Se crèa la primièra associacion occitanista en Malhòrca
Cèrca d’èsser lo ponch d’amassada occitanista de l’illa e de venir la referéncia per totes los malhorquins interessats per Occitània e l’occitan
Se crearà en Malhòrca la primièra associacion occitanista amb la tòca de difondre la lenga e la cultura occitanas dins l’illa e mai de far conéisser la cultura malhorquina en Occitània. Dimars passat se debanèt la primièra reünion per bastir aquela associacion. Demièg lo quinzenat d’assistents i aviá de malhorquins interessats per l’occitan, qualqu’un qu’aviá ja seguit un cors per aprene la nòstra lenga, e quitament i aviá d’occitans residents a Malhòrca amb l’enveja d’aprene e retrobar la lenga de lor país.
Ara per ara an decidit de començar un cors d’autoaprendissatge de la lenga occitana en emplegant divèrses materials e en seguissent lo cors d’iniciacion a la nòstra lenga que se faguèt a l’Universitat de las Illas Balearas fa dos ans.
E mai, l’associacion —qu’aurà son nom defintiu abans setembre— cèrca d’èsser lo ponch d’amassada occitanista de l’illa e de venir la referéncia per totes los malhorquins interessats per Occitània. Sostendràn atanben los projèctes culturals tocant l’occitan o Occitània e auràn de relacions amb las autras entitats occitanistas dels Païses Catalans, dont lo CAÒC.
Particpacion a la manifestacion de Montpelhièr
Los amassats manifestèron lor volontat de participar a la manifestacion Anem Òc que se tendrà a Montpelhièr lo 24 d’octòbre que ven. De fach, un dels promotors d’aquel grop es Dídac Martorell, autor de l’aficha de la manifestacion après ganhar lo concors.
Ara per ara an decidit de començar un cors d’autoaprendissatge de la lenga occitana en emplegant divèrses materials e en seguissent lo cors d’iniciacion a la nòstra lenga que se faguèt a l’Universitat de las Illas Balearas fa dos ans.
E mai, l’associacion —qu’aurà son nom defintiu abans setembre— cèrca d’èsser lo ponch d’amassada occitanista de l’illa e de venir la referéncia per totes los malhorquins interessats per Occitània. Sostendràn atanben los projèctes culturals tocant l’occitan o Occitània e auràn de relacions amb las autras entitats occitanistas dels Païses Catalans, dont lo CAÒC.
Particpacion a la manifestacion de Montpelhièr
Los amassats manifestèron lor volontat de participar a la manifestacion Anem Òc que se tendrà a Montpelhièr lo 24 d’octòbre que ven. De fach, un dels promotors d’aquel grop es Dídac Martorell, autor de l’aficha de la manifestacion après ganhar lo concors.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E i a de personas qui son interessats per crear ua associacion occitanista en Soïssa dab jo?
#13 Cal pas aver paur de çò qu'apelatz "anglés". Aquò's una lenga basica qu'es bravament utila per la comunicacion internacionala, mès que cadun malmena un pauc de sa faiçon e que correspond pas a la lenga viventa qu'es parlada dins lus país anglofònes. De mai, l'anglés es pas lenga oficiala en França e es pas aquela que fai morir l'occitan.
#7 D'acòrdi. E aquela solidaritat vai far avançar l'emplec de l'occitan en Occitania ? Cresètz que pòdi salvar la paura lenga d'òc mespresada en França se comenci de la parlar aicí en Belgica ?
#5 Imagini que parlas per l'anglés?!
#9 T'animes a formar part del grup? :)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari