Bandièra01 1180x150: Comuna de Tolosa

Actualitats

crotz-tolosaCreated with Sketch.DaufinatAut DaufinatOesen

La montanha près del Tunèl e del Lac del Chambon s’esfondrarà aquesta dimenjada

Segon los expèrts, un pendís de montanha deu tombar dins lo Lac del Chambon abans lo 5 de julhet. S’es pres totas las mesuras de seguretat e las infrastructuras son pas en perilh, çò dison

| Parisdreux
La montanha près del Tunèl del Chambon e del Lac del Chambon (Oesen) se deu esfondrar aquesta dimenjada e tombarà dins lo lac, segon los expèrts. Se la superfícia de la montanha traversada pel tunèl contunha de resquilhar de 20 centimètres enbàs e de 60 centimètres ennaut, entre 100 000 e 800 000 mètres cube de ròcas e de tèrra tombaràn dins lo lac abans dimenge.
 
Segon los expèrts, l’esfondrament provocarà una èrsa d’entre 18 e 80 mètres davant lo tunèl e d’aperaquí 4 mètres al bòrd de la restanca que se tròba a una extremitat del lac. Insistisson que “i a pas de risc per l’infrastructura”.
 
S’es pres las mesuras de seguretat que cal. La gendarmariá es encargada d’alonhar los curioses e los passejaires. Se farà una alèrta sonòra aperaquí 4 oras abans l’esfondrament, se los captadors pòdon preveire l’eveniment.
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article