Bandièra01 1180x150: Comuna de Tolosa

Actualitats

crotz-tolosaCreated with Sketch.DaufinatAut DaufinatGapencés

Campanha de micromecenatge per la Calandreta de Gap

L’escòla a lançat una campanha per renovelar lo mobilier

| Calandreta Gapiana / Ulule
A la creacion de l’escòla, recuperèrem de mobilier qu’era pas pus usitat dins d’autras escòlas de la vila. Encuei, avèm besonh de chamjar los burèus, las taulas e los tablèus blancs que son fòrça vielhs e mal adaptats als enfants”.
 
Anam reamainatjar una sala per dobrir una segonda classa, qu’actualament i a qu’una classa per los sieis nivèls e lo mond son un pauc quichats. Gràcias a aquela segonda classa, esperam d’aculhir un trentenat d’enfants d’aquí dos ans.
 
Nòstra cantina es installaa dins un Algeco. Per optimizar la plaça e esparnhar de faire dos sevicis de repais, avèm besonh de taulas rectangularas e lonjas e pereu d’un lavaterralha per solatjar las ajuas mairalas.
 
Nòstras subvencions son pas pro nombrosas e cuerbon que lo foncionament de l’escòla.
 
Avèm quauques economias, mais nos chau refaire lo cobèrt qu’amenaça de s’escrancar: la seguretat dels enfants abans tot! Nòstras economias van servir per faire un apòrt per un crèdit...
 
Avèm donc ben besonh de vòstra ajua per crompar aqueu mobilier novèl.
 
L’associacion dels Amics de la Calandreta Gapiana es compausaa dels parents que s’investisson fòrça, que siá dins lo burèu per la gestion, o dins la vita escolara, en fasent de benevolat e en prepausant d’activitats als enfants pendent los temps periscolars. Als nòstres costats, avem la regenta, Sílvia, e doas ajuas mairalas, Babet e Melania. Siam acompanhats per Andrieu Faure, director e fondaor de l’escòla.
 
 
 
 
Escòla Calandreta Gapiana
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article