Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaMónegueMónegue

Mónegue festeja los dètz ans de la proclamacion del prince Albèrt

Un eveniment que tòca mai las revistas people que non pas l’actualitat politica

Mónegue a festejat lo detzen anniversari de la proclamacion del prince Albèrt coma sobeiran del principat. L’eveniment coïncidissiá amb lo 57n anniversari del prince ièr dimenge. Una celebracion qu’es arribada, coma de costuma, dins las paginas de societat dels mèdias e non pas dins las de politica.
 
Las celebracions comencèron dissabte a 16h sus la Plaça del Palais Princièr. Monaco Matin soslinha l’emocion dels mots de la princessa Charlena a son espós. “Albèrt Ir foguèt lo prince exploraire, Rainier III foguèt lo prince bastior, tu siás lo prince de mon còr”, çò diguèt. Sembla que lo prince Albèrt esperava pas aqueles mots e poguèt pas retenir sas lagremas.
 
Lo plat fòrt d’aquesta dimenjada de celebracions venguèt dimenge de ser, quand los sobeirans ofriguèron a lors subjèctes un concèrt gratuit de Robbie Williams, Lemar e Justin Caldwell. 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

antalya apraquital
1.

Ahh mon polit princet, repolit que sias que t'aimi que t'aimi . Cossi o faguèc pas en occitan de Monegue ?

  • 5
  • 1

Escriu un comentari sus aqueste article