Bandièra01 1180x150: Comuna de Tolosa

Actualitats

Las poténcias mondialas e Iran sagèlan un acòrdi nuclear istoric

La republica islamica s’es engatjada a una reduccion del sieu programa nuclear en contrapartida de la rebaissa de las sancions economicas

| Breaking3zero
Iran e sièis poténcias mondialas (los Estats Units, China, França, Alemanha, lo Reialme Unit e Russia) arribèron ièr a un acòrdi istoric per la reduccion del programa nuclear d'Iran. En contrapartida, Iran aurà una rebaissa de las sancions economicas internacionalas. Aquel principi d'acòrdi a mes lo ponch final a tretze ans de conflicte internacional per las reïteradas sospièchas que Teheran auriá ensajat de fabricar d'armas nuclearas.
 
L'acòrdi arribèt après de negociacions de setze jorns consecutius a Genèva, mas los primièrs contactes s'èran iniciats en 2006. L'importància de l'acòrdi a fach comparéisser rapidament lo president dels Estats Units, Barack Obama, que diguèt que “lo camin d'Iran cap a l'arma nucleara es estat talhat”. Ditz que l'acòrdi “fa que lo Mond siá mai segur”, e prevei un “regim de verificacion rigorosa”. Tanben apondèt qu’“aquel acòrdi se basa pas sus la fisança, mas sus la verificacion”. De son costat lo president d'Iran, Hasan Ruhani, avalorèt positivament l'acòrdi a travèrs d'una fiulada sus Twitter.
 

 
 
Demièg las voses contràrias a l'acòrdi i a lo primièr ministre israelian, Benjamin Netanyahu, que crei qu’aquel acordi es una “error catastrofica” que porgirà a Iran “de milièrs de milions de dolars per alimentar la maquina de la terror e la siá agression contra tot l'Orient Mejan e la rèsta del Mond”.
 
Lo tèxt d'acòrdi, de mai d’ochanta paginas, es public e se pòt consultar.
 
 

   Iran nuclear deal text

 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article