Bandièra01 1180x150: Comuna de Tolosa

Actualitats

Se convòca la primièra assemblada dels legeires de Jornalet

Ongan aurà doas sessions, a Rodés en ocasion de l’Estivada a e a Vilanuèva d’Òlt en ocasion de l’Escòla Occitana d’Estiu, e i poiràn participar tot lo mond que legisson aqueste jornal en linha

| Guillem Sevilla
Jornalet convòca per lo primièr còp una “assemblada dels legeires”. Se tracta d’una reünion dobèrta ont lo capredactor del jornal en linha explicarà son trabalh de cada jorn, lo foncionament del mèdia, e escotarà totas las opinions dels legeires que participen a l’assemblada. La tòca es de metre en comun d’idèas e d’avises e marcar la linha de seguir.
 
Sèm conscients que lo prètzfach es grand e las ressorsas son escarsas, mas esperam de rompre los clichats e los complèxes amb l’ajuda de totes. Sèm pas perfièches e es plan segur que fasèm d'errors. Esperam alavetz que nos ajudaretz a nos melhorar amb los vòstres comentaris, criticas e contribucions. Fasètz-vos vòstre lo Jornalet perque lo Jornalet es de totes.
 
L’assemblada aurà doas sesilhas. A Rodés serà lo 24 de julhet a 10h, e a Vilanuèva d’Òlt serà lo 20 d’agost a 17h15.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ferriòl Macip
5.

#3 Enguan non me serà cap possible d'èster aquiu, mès sò prest a percórrer Occitània tota se me convidatz. M'agradarie fòrça, abans dera fin de 2015 d'anar en Provença, ena Comtat de Niça, e tanben enes Aups, Velai, Auvernhe, Lemosin, Peiregòrd, Gasconha... Escriuetz-me a ferriol.macip@jornalet.com e ac sajaram d'organizar. Mercés plan pera suggestion!

  • 4
  • 0
Víctor Capdet Vilanova i la Geltrú, Catalonha
4.

I pòdi pas èsser en cap de las sesilhas mas es plan bona aquesta dubertura als legeires. Caldrián mai d'exemples aital.

  • 2
  • 0
Ròca Agel
3.

E serà present Jornalet per ai jornaias occitanai que se fan d'estiu en Gavotina: RESCÒNTRES OCCITANS EN PROVENÇA 2015 al Centre de Vacances « Le Rocher », Lo Fugeiret, comuna d'Anòt (04)?

  • 1
  • 0
Pirolet
2.

I poirai pas anar aqueste còp. Vos soèti una bona amassada!

  • 3
  • 0
Tònho Castet Vilamòs
1.

Sajarè d'anar eth 20 dd'agost

  • 3
  • 0

Escriu un comentari sus aqueste article